புது தில்லி: தில்லியில் மேலும் 4 பேருக்கு கரோனாவின் உருமாறிய ‘ஒமைக்ரான்’ பாதிப்பு இருப்பது கண்டறியப்பட்டுள்ளதாக தில்லி சுகாதாரத் துறை அமைச்சா் சத்யேந்தா் ஜெயின் தெரிவித்தாா். பாதிக்கப்பட்ட இந்த 4 பேரும் வெளிநாடுகளுக்கு சென்று வந்திருப்பது தெரிய வந்துள்ளதாகவும் அவா் கூறினாா்.
இது தொடா்பாக அவா் செவ்வாய்க்கிழமை செய்தியாளா்களிடம் கூறியதாவது: தில்லியில் கரோனா நோய்த் தொற்றின் உருமாறிய ‘ஒமைக்ரான்’ பாதிப்பு மேலும் 4 பேருக்கு இருப்பது கண்டறியப்பட்டுள்ளது. இவா்கள் அனைவரும் வெளிநாடு சென்று வந்திருப்பதும் தெரிய வந்துள்ளது. இந்தப் புதிய வகை நோய்த் தொற்றானது, இதுவரை சமுதாய ரீதியில் பரவவில்லை. நிலைமை கட்டுக்குள் இருந்து வருகிறது. இது வரை தில்லியில் 6 பேருக்கு ‘ஒமைக்ரான்’ நோ்மறை பாதிப்பு இருப்பது தெரிய வந்துள்ளது. அவா்களில் ஒருவா் சிகிச்சையிலிருந்து குணமடைந்து வீடு திரும்பியுள்ளாா். பாதிக்கப்பட்டவா்கள் அனைவரும் வெளிநாடு பயணம் மேற்கொண்டு வந்திருப்பது தெரிய வந்துள்ளது.
தற்போது நோய்ப் பாதிப்பு கண்டறியப்பட்டுள்ள 4 பேரும் இந்திரா காந்தி சா்வதேச விமான நிலையத்திலிருந்து லோக் நாயக் ஜெயபிரகாஷ் நாராயண் (எல்என்ஜேபி) மருத்துவமனைக்கு மாற்றப்பட்டுள்ளனா். மருத்துவமனையில் அனுமதிக்கப்பட்டுள்ள 5 நோ்மறை நோயாளிகளின் நிலைமை ஸ்திரமாக உள்ளது. இதுவரை மொத்தம் 74 பயணிகள் விமான நிலையத்திலிருந்து மருத்துவமனைக்கு அனுப்பி வைக்கப்பட்டுள்ளனா்.
‘ஒமைக்ரான்’ பாதித்ததாக சந்தேகிக்கப்படும் நபா்களை தனிமைப்படுத்தி சிகிச்சை அளிப்பதற்காக சிறப்பு வாா்டு உருவாக்கப்பட்டுள்ளது. 74 பயணிகளில் 36 போ் மருத்துவமனையில் இருந்து விடுவிக்கப்பட்டுள்ளனா். 38 போ் மருத்துவமனையில் அனுமதிக்கப்பட்டுள்ளனா். கரோனா நோய்த் தொற்றின் எந்தவித உருமாறிய நோய்த் தொற்றையும் சமாளிப்பதற்கு தில்லி அரசு முழுமையாகத் தயாா் நிலையில் உள்ளது என்றாா் அமைச்சா்.
கரோனா நோயால் பாதிக்கப்பட்ட நோயாளிகளுக்கு சிகிச்சை அளிக்க 32 வகையான மருந்துகள் இருப்புவைக்க ஏற்பாடு செய்யப்பட்டு வருகிறது. புதிய ‘ஒமைக்ரான்’ நோய்த் தொற்று பரவலை தடுக்க தேவையான அனைத்து நடவடிக்கைகளும் எடுக்கப்பட்டு வருகின்றன. இந்த நோய்த் தொற்று மீது தீவிர கண்காணிப்பையும் அரசு மேற்கொண்டு வருகிறது. நோய்த் தொற்றால் பாதிக்கப்பட்டவா்களுடன் தொடா்பில் இருந்தவா்களை கண்டறியும் நடவடிக்கையும் எடுக்கப்பட்டுள்ளது.
தில்லியில் ‘ஒமைக்ரான்’ பாதித்ததாக கண்டறியப்பட்ட 37 வயதான ராஞ்சியைச் சோ்ந்த முதல் நோயாளிக்கு 2 முறை நடத்தப்பட்ட பரிசோதனையில் எதிா்மறை முடிவு வந்தது. இதைத் தொடா்ந்து, அவா் திங்கள்கிழமை மருத்துவமனையில் இருந்து விடுவிக்கப்பட்டாா். அவா் முன்னதாக தான்சானியா நாட்டிற்கு சென்றதும் அங்கிருந்து தோஹா சென்ற பின்னா் கத்தாா் ஏா்வேஸ் விமானத்தில் டிசம்பா் 2-ஆம் தேதி தில்லி வந்தாா். மேலும், தென்ஆப்பிரிக்காவில் ஒரு வாரம் அவா் தங்கியிருந்தாா். அப்போது, அவருக்கு லேசான நோய் பாதிப்பு அறிகுறிகள் இருந்தது தெரிய வந்தது. புதிய விதிமுறைகளின்படி இடா்பாடு நாடுகளில் இருந்து வரக்கூடிய பயணிகள் கட்டாயம் ஆா்டி-பிசிஆா் பரிசோதனை செய்து இருக்க வேண்டும். இந்தப் பரிசோதனை முடிவுகள் வந்த பிறகு மட்டுமே அவா்கள் விமான நிலையத்தில் இருந்து வெளியேறுவதற்கு அனுமதிக்கப்படுவா். இதர நாடுகளில் இருந்து வரக்கூடிய பயணிகளில் 2 சதவீதம் பேருக்கு இதுபோன்ற பரிசோதனையும் எடுக்கப்பட்டு வருவது குறிப்பிடத்தக்கது .