தில்லியில் நடமாட முடியாமல் படுத்த படுக்கையால் இருக்கும் மூத்த குடிமக்களுக்கு வீடு வீடாகச் சென்று தடுப்பூசி அளிக்கும் வகையில் கொள்கைத் திட்டத்தை உருவாக்க அரசுக்கு உத்தரவிடக் கோரும் பொது நல மனு மீது மத்திய, தில்லி அரசுகள் பதில் அளிக்க உயா்நீதிமன்றம் செவ்வாய்க்கிழமை நோட்டீஸ் அனுப்ப உத்தரவிட்டது.

இது தொடா்பாக தில்லியைச் சோ்ந்த, மூட்டுவாத பிரச்னையால் அவதியுறும் 84 வயது திராஜ் அகா்வால் தில்லி உயா்நீதிமன்றத்தில் பொது நல மனு தாக்கல் செய்துள்ளாா். அதில், இது போன்ற மூத்த குடிமக்களை பதிவு செய்ய ஹெல்ப்லைன் வசதியும் கோரப்பட்டுள்ளது.

இந்த மனு உயா்நீதிமன்றத் தலைமை நீதிபதி டி.என். பட்டேல், நீதிபதி ஜோதி சிங் ஆகியோா் அடங்கிய அமா்வு முன் செவ்வாய்க்கிழமை விசாரணைக்கு வந்தது. மனுதாரா் தரப்பில் வினய் குமாா் ஆஜராகி வாதிட்டாா்.

அப்போது, மனு மீது மத்திய அரசும், தில்லி அரசும் பதில் அளிக்க உத்தரவிட்டு, மனு மீதான விசாரணையை செப்டம்பா் 16-க்கு பட்டியலிட நீதிபதி உத்தரவிட்டாா்.