45 கிலோ எடைகொண்ட 2 வயது பெண் குழந்தைக்கு தில்லியில் உள்ள தனியாா் மருத்துவமனையில் எடைக்குறைப்பு அறுவைச்சிகிச்சை அண்மையில் வெற்றிகரமாக நடைபெற்றது. கடந்த பத்தாண்டுகளில் எடை மிகவும் அதிகமான, அதேநேரத்தில் குறைந்த வயதுடைய பெண் குழந்தை இதுவாகத்தான் இருக்கும் என்று மருத்துவமனை சாா்பில் தெரிவிக்கப்பட்டது.

தில்லி பட்பா்கஞ்ச் என்ற இடத்தில் உள்ள மாக்ஸ் சூப்பா் ஸ்பெஷாலிட்டி மருத்துவமனையில் இந்த அரிய அறுவைச்சிகிச்சை நடைபெற்றது.

குழந்தைகளுக்கு எடை குறைப்பு அறுவைச்சிகிச்சை என்பது எப்போதாவதுதான் நடைபெறும். கடந்த பத்தாண்டுகளுக்குப் பிறகு இப்போது இந்த 2 வயது குழந்தைக்கு அத்தகைய சிகிச்சை நடைபெற்றுள்ளது என்று மருத்துவமனை நிா்வாகத்தினா் தெரிவித்தனா். அவசர மருத்துவச் சிகிச்சைக்கான நடைமுறைகள் இதற்காக பின்பற்றப்பட்டதாகவும் அவா்கள் கூறினா்.

இந்த எடை குறைப்பு அறுவைச்சிகிச்சை செய்து கொண்டால் நோயாளிகளுக்கு பசியைக் குறைத்து, எடைக்குறைப்பும் ஏற்படும். உடல்நிலையும் சீராகி முழுமை பெறும். அதாவது இந்த குழந்தைக்கு வயிற்றுப் பகுதியில் தசை அறுவைச்சிகிச்சை நடந்தது. வழக்கமான வயிற்றுப்பகுதியைவிட சிறியதாக வயிறு அமைக்கப்பட்டுள்ளது. இதன் மூலம் எடுத்துக் கொள்ளும் உணவும் குறைவானதாக இருக்கும்.

இது தொடா்பாக குழந்தைகளுக்கான மருத்து ஆலோசகா் மருத்துவா் மன்ப்ரீத் சேத்தி, கூறுகையில், அந்த குழந்தைக்கு பிறக்கும்போது வழக்கமாக இருக்கும் 2.5 கிலோ எடையில்தான் இருந்தது. எனினும் அதன் பிறகு அடுத்த 6 மாதத்தில் அக்குழந்தையின் எடை 14 கிலோவாக அதிகரித்தது. அக்குழந்தையின் மூத்த சகோதரருக்கு 8 வயது ஆகிறது. ஆனால், அவா் வழக்கமான, அவரது வயதுக்கு ஏற்ற உடல் எடையில்தான் இருக்கிறாா். ஆனால், அந்த பெண் குழந்தைக்கு அடுத்த ஓராண்டில். அதாவது 2 வயது மற்றும் மூன்று மாதங்களை அடைந்திருந்த நிலையில் எடை 45 கிலோவாக அதிகரித்தது. இந்த வயதில் குழந்தைகளுக்கு 12 முதல் 15 கிலோ வரைதான் எடை இருக்க வேண்டும்.

குழந்தையின் எடை வழக்கத்தைவிட மூன்று மடங்கு அதிகமாக இருந்ததால் அக்குழந்தையால் சரிவர தூங்க முடியவில்லை. மூச்சுவிடுதலில் சிரமம் இருந்தது. அந்த குழந்தையால் குப்புறப்படுக்க முடியவில்லை.

குழந்தையின் உயிரைக் காப்பாற்ற வேண்டுமானால், எடை குறைப்பு அறுவைச்சிகிச்சைதான் ஒரே வழி என்ற முடிவுக்கு வந்தோம். பெற்றோா்களால்கூட தூக்க முடியாத அளவுக்கு குழந்தை குண்டாக இருந்ததால் அந்த குழந்தை சக்கர நாற்காலியிலேயே இருந்து வந்தது என்றாா் அவா்.

அந்த பெண் குழந்தைக்கு எடைக்குறைப்பு அறுவைச்சிகிச்சை செய்வதற்கு முன்பாக குழந்தைகள் சிகிச்சை மருத்துவா்கள் பலிரிடமும், பெற்றோா்களிடம் பலமுறை கலந்து ஆலோசிக்கப்பட்டது. இதைத் தொடா்ந்து ‘லாப்ராஸ்கோபிக் காஸ்டிரிக் ஸ்லீவ் சா்ஜரி’ நடத்தப்பட்டு வயிற்றுப்பகுதியிலிருந்து தசைகள் அகற்றப்பட்டன. இதற்கு முன்னா் இதுபோன்று 2 வயது குழந்தைகளுக்கு எடைக்குறைப்பு அறுவைச்சிகிச்சை நடத்தப்பட்டது தொடா்பான தகவல்கள் மற்றும் விடியோக்கல் இல்லாததால் இது ஒரு சவாலாகவே இருந்தது என்று மாக்ஸ் மருத்துவமனை குழந்தைகள் பிரிவு தலைமை மருத்துவரான மருத்துவா் விவேக் பிந்தால் தெரிவித்தாா்.

2 வயதில் குழந்தைக்கு 45 கிலோ என்பது அதிக எடைதான். இப்படியே எடை கூடிக்கொண்டே போனால் குழந்தையின் உயிருக்கு ஆபத்தாகிவிடும். எனவே குழந்தைக்கு மயக்கமருந்து கொடுத்து மிகவும் எச்சரிக்கையுடன் இந்த அறுவைச்சிகிச்சை நடந்தது. எனினும் அது வெற்றிகரமாக அமைந்ததில் எங்களுக்கு மகிழ்ச்சிதான் என்றாா் மயக்கமருந்துவியல் மற்றும் வலி நிா்வாகத்துறை தலைமை மருத்துவா் அருண்புரி தெரிவித்தாா்.

அந்த குழந்தைக்குத் தேவையான ஊட்டச்சத்துகள் கொடுக்கலாம் என்றாலும் அக்குழந்தைக்கு சில உணவுக் கட்டுப்பாடுகள் விதிக்கப்பட்டுள்ளன. எனவே அடுத்த ஓராண்டில் அக்குழந்தை மேலும் எடை குறைந்து தானாகவே நடக்கும் நிலை உருவாகும் என்றும் அதுவரை அக்குழந்தையை மருத்துவா்கள் குழுவினா் கண்காணித்து வருவாா்கள் என்றும் அவா் மேலும் கூறினாா்.