கரோனா நோய்த் தொற்றால் பாதிக்கப்பட்டிருந்த தில்லி துணை முதல்வா் மணீஷ் சிசோடியா, சிகிச்சை முடிந்து மருத்துவமனையில் இருந்து செவ்வாய்க்கிழமை திரும்பினாா்.

தெற்கு தில்லியில் உள்ள தனியாா் மருத்துவமனையில் தீவிர சிகிச்சைப் பிரிவில் அனுமதிக்கப்பட்டிருந்த அவா், குணமடைந்த நிலையில் அங்கிருந்து அனுப்பிவைக்கப்பட்டதாக அவரது அலுவலகம் வெளியிட்ட செய்திக்குறிப்பில் தெரிவிக்கப்பட்டுள்ளது.

இது தொடா்பாக துணை முதல்வா் அலுவலகம் வெளியிட்ட செய்திக்குறிப்பில் ‘மணீஷ் சிசோடியாவுக்கு நடத்தப்பட்ட மருத்துவப் பரிசோதனையில் அவருக்கு கரோனா, டெங்கு பாதிப்பு இல்லை என்பது தெரிய வந்தது. இதையடுத்து, அவா் மருத்துவமனையில் இருந்து விடுவிக்கப்பட்டாா்’ என தெரிவிக்கப்பட்டுள்ளது.

தில்லி துணை முதல்வரும், ஆம் ஆத்மி கட்சியின் தலைவா்களில் ஒருவருமான 48 வயதாகும் மணீஷ் சிசோடியாவுக்கு செப்டம்பா் 14-ஆம் தேதி கரோனா நோய்த் தொற்று ஏற்பட்டிருந்தது. காய்ச்சல், உடலில் ஆக்ஸிஜன் அளவு குறைந்ததால் அவா் புதன்கிழமை தில்லி அரசால் நடத்தப்பட்டு வரும் எல்என்ஜேபி மருத்துவமனையில் அனுமதிக்கப்பட்டிருந்தாா். இந்த நிலையில், ரத்தத்தில் பிளேட்லெட்டுகள் அளவு குறைந்ததாலும், ஆக்ஸிஜன் அளவு குறைந்ததாலும் அவா் வியாழக்கிழமை மாலை அங்கிருந்து சாகேதில் உள்ள மேக்ஸ் மருத்துவமனைக்கு மாற்றப்பட்டாா்.

மருத்துவமனையின் தீவிர சிகிச்சைப் பிரிவில் இருந்த அவரது உடல்நிலை நன்றாக இருப்பதாக துணை முதல்வா் அலுவலகம் வெள்ளிக்கிழமை தெரிவித்திருந்தது. அவருக்கு பிளாஸ்மா தெரபி சிகிச்சை அளிப்பட்டது. அவருடைய உடல்நிலையில் மேலும் முன்னேற்றம் ஏற்படவே தீவிர சிகிச்சை பிரிவிலிருந்து (ஐசியு) சாதாரண வாா்டுக்கு மாற்றப்பட்டிருந்தாா். இந்நிலையில், சிகிச்சை முடிந்து மருத்துவமனையில் இருந்து செவ்வாய்க்கிழமை திரும்பியுள்ளாா்.