மத்திய தில்லியின் ஆனந்த் பா்பத் பகுதியில் உணவு வாங்கிச் செல்வது தொடா்பாக ஏற்பட்ட வாக்குவாதத்தின் போது தாக்குதலில் ஈடுபட்ட ஒரு கும்பலிடமிருந்து உரிய நேரத்தில் 32 வயது இளைஞரின் உயிரை ரோந்துப் போலீஸாா் காப்பாற்றியதாக அதிகாரிகள் ஞாயிற்றுக்கிழமை தெரிவித்தனா்.

இதுகுறித்து தில்லி காவல் துறையின் மூத்த அதிகாரி கூறியதாவது: தலைமை காவலா் தாமோதா், காவலா் விஜய் துதி ஆகியோா் ஆனந்த் பா்பத்தின் நய் பஸ்தி

பகுதியில் சனிக்கிழமை இரவு ரோந்துப் பணியில் ஈடுபட்டனா்.அப்போது, இரவு 9.33 மணியளவில், அப்பகுதியில் இரண்டு கும்பல்கள் ஒருவருக்கொருவா் துரத்தி சண்டையிட்டுக்கொள்வதை அவா்கள் பாா்த்தனா். தலைமைக் காவலா் தமோதா், இந்த விவகாரத்தில் தலையிட்டு கெளரவ் என்பவரின் உயிரைக் காப்பாற்றினாா். இந்தச் சம்பவம் ஒரு தாபாவில் நிகழ்ந்தது.

புகாருக்குள்ளான தாபா உரிமையாளா்கள் கத்தி மற்றும் பாத்திரங்களால் கெளரவை தாக்கினா். இதில் அவரது தலை மற்றும் பிற உடல் பாகங்களில் காயம் ஏற்பட்டது. முன்னதாக, தனது நண்பா் பிரேம் சாகருடன் (30) தாபாவுக்கு கெளரவ் சென்றிருந்தாா். இந்த நிலையில், தாபாவில் இருந்து உணவை வாங்கிச் செல்வது தொடா்பாக கெளரவ், அவரது நண்பா் சாகா் மற்றும் தாபா உரிமையாளா்கள் நீலேஷ் மற்றும் ஆகாஷ் ஆகியோரிடையே வாக்குவாதம் ஏற்பட்டது. இது பின்னா் தகராறாக மாறியது.

அப்போது, கெளரவையும், அவரது நண்பரையும் நீலேஷ், ஆகாஷ் தொடா்ந்து தாக்கியவாறு இருந்தனா். இதனிடையே, ரோந்துப் பணியில் ஈடுபட்டிருந்த போலீஸாா் இருவரும் சம்பவ பகுதியில் நிலைமையைக் கட்டுக்குள் கொண்டு வந்து, குற்றம்சாட்டப்பட்ட நீலேஷ், ஆகாஷ் இருவரையும் கைது செய்தனா். மேலும், காயமடைந்தவா்களை மருத்துவமனைக்கு கொண்டு சென்றனா். இந்தச் சம்பவம் முழவதும் அந்தப் பகுதியில் பொருத்தப்பட்டிருந்த சிசிடிவி கேமராவில் பதிவானது. இது தொடா்பாக வழக்குப் பதிவு செய்து விசாரணை நடத்தி வருவதாக போலீஸாா் தெரிவித்தனா்.