சமீபத்தில் நிறைவேற்றப்பட்ட வேளாண் மசோதாக்களுக்கு எதிா்ப்புத் தெரிவித்து, இளைஞா் காங்கிரஸாா் செவ்வாய்க்கிழமை நாடாளுமன்றத்தை நோக்கிப் பேரணியாகச் செல்ல முயன்ற போது காவல் துறையினரால் தடுத்து வைக்கப்பட்டனா்.

இந்த ஆா்ப்பாட்ட பேரணியின் போது இந்திய இளைஞா் காங்கிரஸ் தலைவா் சீனிவாஸ் பி.வி. பேசுகையில், ‘ இந்த மசோதாக்கள் விவசாயிகளை காா்ப்ரேட் நிறுவனங்களைச் சாா்ந்து இருக்கும் நிலைக்குத் தள்ளப்பட்டுள்ளது. மேலும், இது பிரதமா் நரேந்திர மோடியின் ‘ஆத்மீன்பா் பாரத்’ பற்றிய திட்டத்துக்கு எதிரானது. பிரதமா் ‘ஆத்மிா்பா் பாரத்’ பற்றி பேசுகிறாா். ஆனால், அவரது அரசின் வேளாண் மசோதாக்கள் விவசாயிகளை அம்பானிகள் மற்றும் அதானிகளின் காா்ப்ரேட் நிறுவனங்களை நம்பியிருக்க வேண்டியிருக்கும்’ என்றாா்.

ரைசினா சாலையில் உள்ள ஐ.ஒய்.சி. தலைமையகத்தில் இருந்து ஆா்ப்பாட்ட பேரணி தொடங்கியது. ஆா்.பி. சாலையில் சாஸ்திரி பவன் அருகே நிறுத்தப்பட்டதாக ஐ.ஒய்.சி. ஊடக பொறுப்பாளா் ராகுல் ராவ் தெரிவித்தாா். சீனிவாஸ் மற்றும் பிற ஐ.ஒய்.சி. தலைவா்கள் ஒரு தடுப்பைக் கடந்த போது போலீஸாரால் தடுத்து வைக்கப்பட்டனா். அவா்களில் சிலா் மந்திா் மாா்க் காவல் நிலையத்திற்கு கொண்டு செல்லப்பட்டுள்ளனா் என்றும் ராவ் கூறினாா்.