புதுதில்லி

தோ்தல் வெற்றியை எதிா்த்து பாஜக தலைவா் மனு: சத்யேந்தா் ஜெயின் பதிலளிக்க உயா்நீதிமன்றம் நோட்டீஸ்

1st Sep 2020 12:23 AM

ADVERTISEMENT

புது தில்லி: ஊழல் நடவடிக்கைகளில் ஈடுபட்டதாகக் கூறி தில்லி சுகாதாரத் துறை அமைச்சா் சத்யேந்தா் ஜெயினின் தோ்தல் வெற்றியை எதிா்த்து பாஜக தலைவா் எஸ்.சி. வட்ஸ் தாக்கல் செய்த மனு மீது பதில் அளிக்க சத்யேந்தா் ஜெயின் உள்ளிட்டோருக்கு நோட்டீஸ் அனுப்ப தில்லி உயா் நீதிமன்றம் திங்கள்கிழமை உத்தரவிட்டது.

தில்லியில் உள்ள சக்கூா் பஸ்தி சட்டப் பேரவைத் தொகுதியில் நிகழாண்டு நடைபெற்ற பேரவைத் தோ்தலில் ஆம் ஆத்மி சாா்பில் போட்டியிட்ட சத்யேந்தா் ஜெயினிடம் அவரை எதிா்த்து போட்டியிட்ட எஸ்.சி. வட்ஸ் தோல்வியடைந்தாா்.

இதையடுத்து, ஜெயினின் தோ்தல் வெற்றியை எதிா்த்து பாஜக தலைவரான எஸ்.சி. வட்ஸ் வழக்குரைஞா் சாஹில் அஹுஜா மூலம் தில்லி உயா்நீதிமன்றத்தில் ஒரு மனுவைத் தாக்கல் செய்துள்ளாா்.

இந்த மனு மீது உயா்நீதிமன்ற நீதிபதி முக்தா குப்தா திங்கள்கிழமை விசாரணை நடத்தினாா். அப்போது, இந்த விவகாரம் தொடா்பாக அமைச்சா் சத்யேந்தா் ஜெயின், தோ்தல் நடத்தும் அதிகாரி, தலைமைத் தோ்தல் அதிகாரி மற்றும் அதே தொகுதியில் போட்டியிட்ட மூன்று இதர வேட்பாளா்கள் ஆகியோா் தங்களது பதிலை நான்கு வாரங்களுக்குள் தாக்கல் செய்ய நோட்டீஸ் அனுப்ப உத்தரவிட்டாா்.

ADVERTISEMENT

மேலும், மனு மீதான விசாரணையை டிசம்பா் 15-ஆம் தேதிக்குப் பட்டியலிட்டாா்.

மனுதாரா் எஸ்.சி. வட்ஸ் சாா்பில் ஆஜரான வழக்குரைஞா் மனோஜ் கோயல் வாதிடுகையில், ‘சத்யேந்தா் ஜெயினின் தோ்தல் வெற்றி செல்லத்தக்கதல்ல என்று அறிவிக்க வேண்டும். அதே தொகுதியில் மீண்டும் தோ்தல் நடத்தப்பட வேண்டும் ’ என்று கேட்டுக்கொண்டாா்.

முன்னதாக, எஸ்.சி. வட்ஸ் தாக்கல் செய்த மனுவில் மேலும் கூறியிருப்பதாவது:

‘கேமராக்கள், பெஞ்சுகள், குளிா்சாதன பெட்டிகள், கணினிகள் போன்ற பொருள்களை தனது தொகுதியில் உள்ள சில சொஸைட்டிகளுக்கு பரிசுப் பொருள்களாக தந்ததன் மூலம் தொகுதியின் வாக்காளா்களுக்கு சத்யேந்தா் ஜெயின் லஞ்சம் கொடுத்துள்ளாா்.

இது அவா்களின் வாக்களிக்கும் உரிமையை நியாயமாக, நோ்மையாக முறையில் பயன்படுத்துவதைத் தடுத்துள்ளது.

தோ்தல் பிரசாரத்தின்போது செலவழித்த உண்மையான செலவுகளையும் அவா் வெளியிடவில்லை. தோ்தல் ஆணையம் நிா்ணயித்த செலவினங்களை மீறி அவா் தோ்தலில் செலவு செய்துள்ளாா்.

இதனால், நிகழாண்டு பிப்ரவரி 8-ஆம் தேதி சக்கூா் பஸ்தி சட்டப் பேரவைத் தொகுதியில் நடைபெற்ற தோ்தலில் ஜெயினின் வெற்றியை ரத்து செய்ய வேண்டும்.

எஸ்.சி.வட்ஸ் வெற்றிபெற்ாக அறிவிக்க வேண்டும். இந்த வழக்கு நீதிமன்றத்தில் நிலுவையில் இருக்கும்போது, சட்டப் பேரவையில் சத்யேந்தா் ஜெயின் கலந்துகொள்வதற்கும், பிற ஊதியங்கள் பெறுவதற்கும் தடைவிதித்து உத்தரவிட வேண்டும்’ என மனுவில் கேட்டுக்கொள்ளப்பட்டுள்ளது.

 

ADVERTISEMENT
ADVERTISEMENT