தில்லி காங்கிரஸை வாா்டு அளவில் மறுசீரமைக்கும் பணிகள் அடுத்த வாரம் தொடங்கவுள்ளதாக தில்லி காங்கிரஸ் கமிட்டியின் தலைவா் அனில் சௌத்ரி தெரிவித்துள்ளாா். மேலும், கரோனா தடுப்புப் பணிகளில் முன்களத்தில் நின்று பணியாற்றிய காங்கிரஸ் தொண்டா்களுக்கு முக்கியப் பதவிகள் வழங்கப்படும் என்றும் அவா் கூறினஆா்.

இது தொடா்பாக தில்லியில் ஞாயிற்றுக்கிழமை அவா் கூறுகையில், ‘தில்லியில் உள்ள 270 வாா்டுகளிலும் பாா்வையாளா்களாக காங்கிரஸ் கட்சியின் மூத்த தலைவா்கள் நியமிக்கப்படவுள்ளனா். இவா்கள் வாா்டு தலைவா்களின் பெயா்களைப் பரிந்துரை செய்வாா்கள். இது தொடா்பாக அப்பகுதியில் உள்ள காங்கிரஸ் தொண்டா்களுடன் கலந்துரையாடி அவா்கள் முடிவு எடுப்பாா்கள். மேலும், கரோனா தொற்றைத் தொடா்ந்து பிறப்பிக்கப்பட்ட பொது முடக்க காலத்தில் மக்களுக்கு உணவு, ரேஷன் பொருள் விநியோகம் உள்ளிட்ட மக்கள் நலப் பணிகளைச் செய்த காங்கிரஸ் தொண்டா்களுக்குப் பதவிகள் வழங்கப்படும். கரோனா தொற்றுக் காலத்தில் மக்கள் பணியாற்றாத தலைவா்களுக்கு மீண்டும் வாய்ப்பு வழங்கப்படாது. 270 வாா்டுகளில் 35 வாா்டுகளுக்கு தலைவா்கள் நியமிக்கப்படவில்லை. முதலில் வாா்டு அளவிலும் பின்னா் மாவட்ட அளவிலும் மறுசீரமைப்பு நடைபெறும்’ என்றாா்.