புதுதில்லி

முன்னாள் காவல் ஆணையா் வேத் மா்வாமறைவுக்கு தில்லி காவல்துறை இரங்கல்

7th Jun 2020 07:43 AM

ADVERTISEMENT

முன்னாள் தில்லி காவல் ஆணையா் வேத் மாா்வா மறைவுக்கு தில்லி காவல்துறை இரங்கல் தெரிவித்துள்ளது.

தில்லி காவல்துறை ஆணையராக 1985-88 காலப்பகுதியில் இருந்தவா் வேத் மாா்வா. இவா் ஜாா்க்கண்ட், மிஸோரம், மணிப்பூா் ஆகிய மாநிலங்களின் ஆளுநராகவும் இருந்துள்ளாா். இவா் உடல்நலக்குறைவால் கோவாவில் வெள்ளிக்கிழமை காலமானாா்.

இந்நிலையில் இவரின் மறைவுக்கு தில்லி காவல்துறை இரங்கல் தெரிவித்துள்ளது. இது தொடா்பாக தில்லி காவல்துறை சுட்டுரைப் பக்கத்தில் கூறியிருப்பது: வேத் மாா்வா மென்மையான நடத்தை கொண்ட ஆனால், உறுதியான காவல் அதிகாரியாவாா். மென்மையாகப் பேசும் தன்மையுடைய இவா் பணியென்று வந்துவிட்டால் கடினமானவா். ஒரு மிகச்சிறந்த ஆளுமையை இழந்துவிட்டோம். தில்லி காவல்துறையின் மிகச்சிறந்த ஆணையா்களில் ஒருவரான வேத் மா்வாாவை வணங்கி அவருக்கு பிரியாவிடை கொடுக்கிறோம் என்று தெரிவிக்கப்பட்டுள்ளது.

இது தொடா்பாக தில்லி தலைமைக் காவல் ஆணையா் எஸ்.என்.ஸ்ரீவஸ்தாவா தனது சுட்டுரைப் பக்கத்தில் ‘தில்லி காவல்துறையின் தலைமை ஆணையராக இருந்தவரும், பல மாநிலங்களின் ஆளுநராக இருந்தவருமான வேத் மா்வாவின் மறைவுக்கு இரங்கல்களைத் தெரிவித்துக் கொள்கிறேன். எனது முதலாவது தலைமைக் காவல் ஆணையராக அவரை நான் நினைவு கூா்கிறேன். அவா் மிகச் சிறந்த தலைவராகவும், மிகச் சிறந்த காவல் ஆணையராகவும் விளங்கியவா் என்று தெரிவித்துள்ளாா் அவா்.

ADVERTISEMENT

 

ADVERTISEMENT

MORE FROM THE SECTION

ADVERTISEMENT