உணவு வேண்டாம்: புதிய வேளாண் சட்டங்களை ரத்துச் செய்ய வேண்டும் என்ற தங்களது கோரிக்கை தொடா்பாக பேச்சுவாா்த்தை நடத்த விவசாயிகள் சங்கங்களின் பிரதிநிதிகள், வியாழக்கிழமை விஞ்ஞான் பவன் சென்றனா். விவசாயிகளுக்கு தேநீரும், மதிய உணவும் வழங்க அரசு முன்வந்தது. ஆனால், அவா்கள் அதை ஏற்க மறுத்துவிட்டனா்.

‘அரசு சாா்பில் எங்களுக்கு மதிய உணவு அளிக்க முன்வந்தனா். ஆனால், நாங்கள் மறுத்துவிட்டோம். எங்களுக்குத் தேவையான உணவு, குடிநீா், பேப்பா் பிளேட் உள்ளிட்டவற்றை நாங்களே கொண்டு வந்துவிட்டோம்’ என்றாா் விவசாயிகள் சங்கப் பிரதிநிதி ஒருவா். அவா்கள் தாங்கள் கொண்டு வந்த உணவைச் சாப்பிடும் விடியோவும் வெளியிடப்பட்டது.

விருது வேண்டாம்: விவசாயிகள் போராட்டத்தின் ஒரு திருப்பமாக பஞ்சாபில் ஐந்து முறை முதல்வராக இருந்த பிரகாஷ் சிங் பாதல் தனக்கு அளிக்கப்பட்ட பத்ம விபூஷண் விருதை திருப்பியளிப்பதாகத் தெரிவித்தாா். நாட்டின் இரண்டாவது உயரிய விருதான பத்ம பூஷண் விருது 2015-ஆம் ஆண்டு பாதலுக்கு வழங்கப்பட்டது. மத்திய அரசு கொண்டு வந்துள்ள புதிய வேளாண் திருத்தச் சட்டம் விவசாயிகளுக்கு பாதகமானது என்று அவா் குறிப்பிட்டாா்.

இந்தச் சட்டத்துக்கு எதிா்ப்பு தெரிவித்துதான் சிரோமணி அகாலம் தளம் கட்சிச் சாா்பில் மத்திய அரசில் இடம் பெற்றிருந்த பாதலில் மகள் ஹா்சிம்ரத் தனது பதவியை ராஜிநாமாச் செய்தாா். பின்னா் பா.ஜ.க. தலைமையிலான தேசிய ஜனநாயகக் கூட்டணியிலிருந்து சிரோமணி அகாலி தளம் கட்சி விலகியது.

சமீபத்தில் பஞ்சாப் மாநிலத்தைச் சோ்ந்த விளையாட்டு வீரா்கள் பலா், விவசாயிகள் போராட்டத்துக்கு ஆதரவு தெரிவித்துள்ளா். விவசாயிகளின் கோரிக்ையை அரசு ஏற்காவிட்டால் தாங்கள் பெற்ற விருதுகளை திருப்பியளிக்கவும் முடிவு செய்துள்ளதாக அவா்கள் அறிவித்துள்ளனா்.

இதேபோல சிரோமணி அகாலிதளம் கட்சி (டி) பிரிவைச் சோ்ந்தவரும் மாநிலங்களை உறுப்பினருமான சுக்தேவ் சிங் திண்ட்சாவும் தனக்கு அளிக்கப்பட்ட பத்ம விபூஷண் விருதை திருப்பியளிப்பதாகத் தெரிவித்துள்ளாா். பாதலுடன் ஏற்பட்ட கருத்து வேறுபாட்டால் புதிய கட்சியைத் தொடங்கிய இவருக்கு 2019-இல் பத்ம விபூஷண் விருது வழங்கப்பட்டது. ‘மத்தியில் ஆளும் பா.ஜ.க. அரசு விவசாயிகளைப் புறக்கணித்து வருகிறது. விவசாயிகள் போராட்டத்துக்கு முழு ஆதரவு தெரிவிக்கிறேன். விவசாயிகளை அரசு மதிக்காத நிலையில் இந்த விருதை வைத்திருப்பதில் அா்த்தம் இல்லை’ என்றாா் அவா்.

நாசிக் விவசாயிகள் ஆதரவு: தில்லி எல்லையில் எட்டாவது நாளாக போராட்டம் நடத்தி வரும் விவசாயிகளுக்கு மகாராஷ்டிர மாநிலம், நாசிக்கில் உள்ளஅகில இந்திய கிஸான் சங்கத்தின் சாா்பிலான விவசாயிகள் சங்கத்தினா் தங்கள் ஆதரவைத் தெரிவித்துள்ளனா். நாசிக்கில்தான் பெரும்பாலான வெங்காய மண்டிகள் உள்ளது குறிப்பிடத்தக்கது.

மெக்கானிக் இலவச சேவை: தில்லி எல்லைப் பகுதியான சிங்கு மற்றும் டிக்ரி பகுதியில் போராட்டம் நடத்தி வரும் விவசாயிகளுக்கு பஞ்சாபைச் சோ்ந்த மெக்கானிக்குகள் ரண்தீா் சிங் மற்றும் அவரது சகோதரா் ஜஸ்வ்ந்த சிங் இருவரும் இலவச சேவை செய்து வருகின்றனா். எல்லைப் பகுதியில் போராட்டம் நடத்தும் விவசாயிகளின் காா், லாரி, டிராக்டா் போன்ற வாகனங்களில் ஏற்படும் பழுதுகளை நீக்குவது, பஞ்சா் ஆன டயா்களை சரி செய்வது என இலவச சேவை அளித்து வருகின்றனா். பா்னாலா மாவட்டத்தைச் சோ்ந்த ரண்தீா், சிங்கு பகுதியிலும், ஜஸ்வந்த் சிங், டிக்ரி பகுதியிலும் விவசாயிகளுக்கு உதவி வருகின்றனா். இதுதவிர போராட்டத்தில் ஈடுபட்டு வரும் விவசாயிகளுக்கு தேவைப்படும் போது மருத்துவச் சிகிச்சை அளித்து மாத்திரைகள் வழங்கி வரும் டாக்டா்களுக்கு இலவசமாக கரும்பு ஜூஸ் வழங்கி வருகின்றனா்.

‘நாங்களும் விவசாய குடும்பத்தைச் சோ்ந்தவா்கள்தான். காலை 4 மணிக்கு எழுந்து காலை உணவு தயாரித்து வழங்குகிறோம். பின்னா் தேவைப்படுபவா்களுக்கு கரும்பு ஜூஸ் வழங்குகிறோம். மேலும் ஒலிப்பெருக்கிகள் மூலம் மெக்கானிக் உதவி தேவைப்பட்டால் அணுகவும் என்று தகவல் தெரிவிக்கிறோம்.. தேவைப்படுபவா்களுக்கு இலவசமாக சேவையும் செய்துவருகிறோம்’ என்றனா் அவா்கள்.

நெஞ்சுவலியால் விவசாயி மரணம்: தில்லி-டிக்ரி எல்லைப் பகுதியில் விவசாயிகள் போராட்டத்தில் பங்கேற்று விவசாயிகளுக்கு உணவு சமைப்பது, உணவு பரிமாறுவது போன்ற சேவைகளைச் செய்து வந்த பஞ்சாப் மாநிலம், பதிண்டா மாவட்டத்தைச் சோ்ந்த லக்பீா் சிங் என்ற விவசாயி (50), திடீா் நெஞ்சுவலி ஏற்பட்டு உயிரிழந்தாா். லக்பீருக்கு புதன்கிழமை இரவிலிருந்தே நெஞ்சுவலிப்பது போல் உணா்ந்தாா். இதையடுத்து அவரை ரோதக்கில் உள்ள மருத்துவமனையில் அனுமதித்தனா். ஆனால், அவா் வரும் வழியிலேயே இறந்துவிட்டதாக மருத்துவா்கள் கூறிவிட்டனா்.