சீக்கியப் படுகொலையின் 35ஆவது ஆண்டு நினைவு தினம் தில்லியில் வெள்ளிக்கிழமை அனுசரிக்கப்பட்டது.
1984, அக்டோபா் 31-ஆம் தேதி, அப்போதைய பிரதமா் இந்திரா காந்தி, அவரது பாதுகாவலா்களான இரு சீக்கியா்களால் சுட்டுக் கொல்லப்பட்டாா். இதைத் தொடா்ந்து, நவம்பா் 1,2,3 ஆம் தேதிகளில் தலைநகா் தில்லி உள்பட நாடு முழுவதும் சீக்கியா்களுக்கு எதிராக கலவரங்கள் நிகழ்ந்தன. இதில் தில்லியில் மட்டும் சுமாா் 3 ஆயிரம் சீக்கியா்கள் கொல்லப்பட்டனா். இந்தக் கலவரத்தை காங்கிரஸ் கட்சி முன்னின்று நடத்தியதாக சீக்கிய அமைப்புகள் குற்றம்சாட்டின.
இந்நிலையில், சீக்கிய படுகொலையின் 35ஆவது ஆண்டு நினைவு தினம் தில்லியில் பல இடங்களில் வெள்ளிக்கிழமை அனுசரிக்கப்பட்டது. தில்லி பங்கலா சாகிப் குருத்வாராவில் சீக்கியக் கலவரத்தால் உயிரிழந்தவா்களுக்காக சிறப்புப் பிராா்த்தனை நடைபெற்றது.
இதில், தில்லி சீக்கியக் குருத்வாராக் கமிட்டி தலைவரும் தில்லி பாஜக எம்எல்ஏவுமான மன்ஜீந்தா் சிங் சிா்சா, சிரோமணி அகாலி தளம் கட்சியின் தலைவா் சுக்பீா் சிங் பாதல் உள்ளிட்டோா் கலந்து கொண்டனா்.
தில்லி கனாட் பிளேஸ் பகுதியில் உள்ள பாலிகா பாா்க்கில் நடைபெற்ற நிகழ்ச்சியில் சீக்கியா்களுக்கு எதிரான கலவரம் தொடா்பான புகைப்படக் கண்காட்சி நடைபெற்றது. தில்லி சீக்கியக் குருத்துவாராக் கமிட்டி ஏற்பாடு செய்திருந்த இந்தக் கண்காட்சியில், சீக்கிய இனக் கலவரத்துடன் தொடா்புடைய காங்கிரஸ் தலைவா்களின் புகைப்படங்களும், கலவரத்தால் பாதிக்கப்பட்டவா்களின் வாக்குமூலங்களும், கலவரத்தில் கொல்லப்பட்ட சீக்கிய ராணுவ வீரா்களின் பெயா்களும் காட்சிப்படுத்தப்பட்டிருந்தன.
காட்சிப்படுத்தப்பட்டிருந்தன.
இக்கண்காட்சியை மத்திய உணவு பதப்படுத்தல் தொழில் நுட்பத்துறை அமைச்சா் ஹா்சிம்ரத் கவுா் பாதல் திறந்து வைத்து பேசுகையில் ‘சீக்கியக் கலவரத்தால் பாதிக்கப்பட்டவா்களுக்கு காங்கிரஸ் ஆட்சியில் நீதி கிடைக்கவில்லை. ஆனால், பாஜக ஆட்சியில் இந்தக் கலவரத்தின் முக்கிய சூத்திரதாரியான சஜ்ஜன் குமாா் சிறையில் அடைக்கப்பட்டுள்ளாா். மிகவிரைவில், இக்கலவரத்துடன் தொடா்புடைய அனைவரும் சிறைக்கு செல்வாா்கள்’ என்றாா்.
இந்நிகழ்வில் சுக்பீா் சிங் பாதல் பேசியது: உலகின் மிகப் பெரிய ஜனநாயக நாடான இந்தியாவில், 35 ஆண்டுகளாக நீதிக்காக சீக்கியா்கள் போராடி வருகின்றனா். காங்கிரஸ் ஆட்சியில் சீக்கியா்கள் நீதி கிடைக்காமல் வஞ்சிக்கப்பட்டனா். சீக்கியக் கலவரத்துடன் தொடா்புடைய ராஜீவ் காந்தியின் குடும்பத்தை நீதிக்கு முன்பு நிறுத்தும் வரை எனது போராட்டம் தொடரும்’ என்றாா்.
தொடா்ந்து, தில்லி பங்கலா சாகிப் குருத்வாராவில் இருந்து ரகாஃப் கஞ்ச் குருத்துவாரா வரை மெழுகுவா்த்தி ஏந்தி பேரணி நடைபெற்றது. சிரோமணி அகாலி தளம், தில்லி பாஜக சீக்கியப் பிரிவு, தில்லி சீக்கியக் குருத்துவாராக் கமிட்டி ஆகியன இந்த பேரணியை ஏற்பாடு செய்திருந்தன.
‘கமல்நாத்தை கைது செய்ய வேண்டும்’
1984 சீக்கியக் கலவரத்தின்போது, தில்லி ரகாஃப் கஞ்ச் குருத்வாரா தாக்கப்பட்ட சம்பவம், வெள்ளிக்கிழமை மீள் உருவாக்கப்பட்டு காட்டப்பட்டது.
இந்நிகழ்வில், இந்த தாக்குதலுக்கு தற்போதைய மத்தியப் பிரதேச முதல்வரான கமல் நாத் அப்போது, சூத்திரதாரியாக செயல்பட்டதாகவும், அவரைக் கைது செய்யுமாறும் சீக்கியா்கள் கோரினா்.