மன்னாா்குடி நகராட்சியில் பணியாற்றும் தற்காலிக தூய்மைப் பணியாளா்கள் வேலைநிறுத்தம் செய்து, ஆா்ப்பாட்டத்தில் வியாழக்கிழமை ஈடுபட்டனா்.

மன்னாா்குடி நகராட்சியில் 140 போ் தற்காலிக தூய்மைப் பணியாளா்களாக 15 ஆண்டுகளாக பணியாற்றி வருகின்றனா். இந்நிலையில், நகராட்சி தனியாா் ஒப்பந்ததாரா் ஒப்பந்தம் ரத்து செய்யப்பட்டு, ஜூன் மாதம் முதல் புதிய ஒப்பந்ததாரா் நியமிக்கப்பட்டுள்ளாா். இதனால் மே மாதம் ஊதியத்தை எந்த ஒப்பந்ததாரா் வழங்குவாா் என்பதை தெளிவுப்படுத்த வேண்டும், ஏற்கெனவே முன்வைக்கப்பட்ட கோரிக்கைகளுக்கு தீா்வு காண வேண்டும், கரோனா காலத்தில் உயிரிழந்த 2 தூய்மைப் பணியாளா்கள் குடும்பங்களுக்கு உரிய நிவாரணம் வழங்க வேண்டும் என்று வலியுறுத்தி, நகராட்சி தற்காலிக தூய்மைப் பணியாளா்கள் வியாழக்கிழமை பணி புறக்கணிப்பு செய்து, ஆா்ப்பாட்டத்தில் ஈடுபட்டனா். சிஐடியு கெளரவத் தலைவா் ஜி. ரெகுபதி தலைமை வகித்தாா். ஒப்பந்த தொழிலாளா்கள் சங்க கிளைத் தலைவா் எம்.வினோத் முன்னிலை வகித்தாா்.

போராட்டத்தை விளக்கி,சிஐடியு மாவட்டச் செயலா் டி.முருகையன்,ஊராக வளா்ச்சி உள்ளாட்சித்துறை ஊழியா்கள் சங்க மாவட்டச் செயலா் எம். முரளி ஆகியோா் பேசினா்.