பேரளத்தில் உள்ள பரிவாரக் கோயில்களில் வியாழக்கிழமை நடைபெற்ற கும்பாபிஷேகத்தில் தருமபுரம் ஆதீனம் உள்ளிட்ட திரளானோா் பங்கேற்றனா்.
தருமபுரம் ஆதீன நிா்வாகத்துக்குள்பட்ட பேரளம் பவானி அம்மன் சமேத சுயம்புநாத சுவாமி கோயில் கும்பாபிஷேகம் வெள்ளிக்கிழமை நடைபெறுகிறது. இதையொட்டி, தருமபுரம் ஆதீனம் 27-ஆவது குரு மகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் முன்னிலையில் பேரளத்தில் உள்ள பரிவாரக்கோயில்களான விநாயகா், மாரியம்மன், ஐயனாா், பிடாரியம்மன், காளியம்மன் கோயில்களுக்கு மகா கும்பாபிஷேகம் வியாழக்கிழமை காலை நடைபெற்றது.
இன்று சுயம்புநாத சுவாமி கோயில் கும்பாபிஷேகம்: வெள்ளிக்கிழமைக் காலை பவானி அம்மன் சமேத சுயம்புநாத சுவாமி கோயில் விமானங்கள், கோபுரங்கள் மகா கும்பாபிஷேகமும், மூலவா் மகா கும்பாபிஷேகம் நடைபெறுகிறது. மாலையில் மகாபிஷேகம், திருக்கல்யாணம், சுவாமிகள் திருவீதியுலா நடைபெறுகிறது.