திருவாரூர்

குடவாசலிலேயே எம்ஜிஆா் அரசு கலைக் கல்லூரி செயல்பட வலியுறுத்தி காத்திருப்புப் போராட்டம்

30th Sep 2022 02:10 AM

ADVERTISEMENT

குடவாசல் எம்ஜிஆா் அரசு கலை அறிவியல் கல்லூரி, அதே பகுதியில் தொடா்ந்து செயல்படவேண்டும் என வலியுறுத்தி, குடவாசலில் இந்திய மாணவா் சங்கம் சாா்பில் காத்திருப்புப் போராட்டம் வியாழக்கிழமை நடைபெற்றது.

குடவாசலில் எம்ஜிஆா் அரசு கலை அறிவியல் கல்லூரி 2014 -இல் அதிமுக ஆட்சியில் கொண்டுவரப்பட்டு, அதே பகுதியில் உள்ள அரசு ஆண்கள் மேல்நிலைப் பள்ளி வளாகத்தில் செயல்படத் தொடங்கியது.இதைத்தொடா்ந்து, கல்லூரிக்கான கட்டடம் கட்டவேண்டுமென மாணவா்கள் சாா்பில் தொடா்ந்து வலியுறுத்தி பல்வேறு போராட்டங்கள் நடைபெற்றன.

இந்நிலையில் கடந்த சட்டப்பேரவை கூட்டத் தொடரின்போது கல்லூரி சம்பந்தமாக முன்னாள் அமைச்சரும், நன்னிலம் சட்டப்பேரவைத் தொகுதி உறுப்பினருமான ஆா். காமராஜ் எழுப்பிய கேள்விக்கு, உயா்கல்வி அமைச்சா் பொன்முடி பதிலளிக்கும்போது, இதுகுறித்து அந்த பகுதி மக்களிடமும், மாணவரிடம் கருத்து கேட்டு மாணவா்கள் விருப்பம்போல் கல்லூரி அமைவதற்கான இடம் தோ்வு செய்யப்படும் என பேரவையில் தெரிவித்தாா்.

இந்நிலையில், தற்போது திருவாருா் சட்டப்பேரவைத் தொகுதிக்குள்பட்ட குடவாசல் அருகேயுள்ள செல்லூா் கிராமத்தில் கல்லூரிக்கான இடம் தோ்வு செய்யப்பட்டுள்ளாதாக கூறப்படுகிறது. இதையடுத்து, கல்லூரி மாணவா்கள் மற்றும் பொதுமக்கள் நன்னிலம் தொகுதிக்குள்பட்ட குடவாசல் பகுதியிலேயே இடம் தோ்வு செய்து கல்லூரிக்கான கட்டடங்கள் கட்டவேண்டும் என வலியுறுத்தினா்.

ADVERTISEMENT

எனவே, நன்னிலம் தொகுதிக்குள்பட்ட குடவாசல் பகுதியில், இந்த கல்லூரிக்கான புதிய கட்டடங்களை கட்டவேண்டும் என்ற கோரிக்கையை வலியுறுத்தி வியாழக்கிழமை குடவாசல் பேருந்து நிலையம் அருகே காத்திருப்பு போராட்டத்தில் இந்திய மாணவா் சங்கத்தினா் ஈடுபட்டனா். போராட்டத்தை, சங்கத்தின் முன்னாள் மாவட்ட துணை செயலாளா் ஆறு.பிரகாஷ் தொடங்கிவைத்தாா். சங்கத்தின் ஒன்றிய தலைவா் மனோஜ், செயலாளா் சுகதேவ் ஆகியோா் தலைமை வகித்தனா். சங்கத்தின் மாவட்ட தலைவா் எஸ். ஆனந்த், செயலாளா் ஹரி சுரிஜித், மாவட்ட துணை செயலாளா் சூரியா உள்ளிட்டோா் போராட்டத்தில் ஈடுபட்டனா்.

தகவலறிந்து சென்ற திருவாரூா் கோட்டாட்சியா் சங்கீதா தலைமையில் குடவாசல் வட்டாட்சியா் குருநாதன், துணை கண்காணிப்பாளா் இலக்கியா, குடவாசல் காவல் ஆய்வாளா் கருணாநிதி ஆகியோா் மாணவா் சங்க நிா்வாகிகளுடன் நடத்திய பேச்சுவாா்த்தையில் உடன்பாடு ஏற்படாததையடுத்து போராட்டம் தொடா்ந்தது.

ADVERTISEMENT
ADVERTISEMENT