திருவாரூர்

நன்னிலம் பகுதியில் வெறி நாய்களை பிடிக்க பொதுமக்கள் கோரிக்கை

29th Sep 2022 12:00 AM

ADVERTISEMENT

 

நன்னிலம்: நன்னிலம் அருகே வீடுகளில் வளா்க்கப்படும் ஆடுகளை கடித்து உயிரிழப்பை ஏற்படுத்தும் வெறி நாய்களை பிடித்து கட்டுப்படுத்த வேண்டும் என பொதுமக்கள் கோரிக்கை விடுத்துள்ளனா்.

நன்னிலம் அருகே சோத்தக்குடி கிராமத்தில் பெரும்பாலானவா்கள் ஆடுகளை வளா்த்து வருகின்றனா். இந்நிலையில், புதன்கிழமை அதிகாலை 5-க்கும் மேற்பட்ட வெறி நாய்கள் மணிமாறன்-செளந்தா்யா தம்பதி வளா்த்து வந்த 5 ஆடுகளில் 4 ஆடுகளை கடித்து குதறி கொன்றுள்ளன.

கிராமப் பகுதியில் வசிக்கும் ஏழை கூலித் தொழிலாளிகளுக்கு ஆடுகள் வளா்ப்பது வாழ்வாதாரமாக உள்ளது. இந்நிலையில் ஆடுகளை அப்பகுதியில் உள்ள வெறி நாய்கள் கடித்து குதறி துன்புறுத்துவது தொடா்கிறது. இதேபோல, இதுவரை இப்பகுதியில் 20-க்கும் மேற்பட்ட ஆடுகள் இறந்துள்ளன. மேலும், அப்பகுதியில் வசிக்கும் குழந்தைகள், முதியவா்கள், பெண்கள் ஆகியோா் வெறி நாய்கள் சுற்றித்திரியும் பகுதியை கடக்கும்போது மிகுந்த அச்சத்துடன் செல்லவேண்டியுள்ளது. எனவே சோத்தக்குடி பகுதியில் சுற்றித்திரியும் வெறி நாய்களை பேரூராட்சி நிா்வாகம் விரைவில் பிடித்து கட்டுப்படுத்த வேண்டும் என இப்பகுதி மக்கள் கோரிக்கை விடுத்துள்ளனா்.

ADVERTISEMENT

ADVERTISEMENT
ADVERTISEMENT