அண்ணன் வீட்டை சேதப்படுத்திய தம்பி கைது

மன்னாா்குடி அருகே முன்விரோதம் காரணமாக அண்ணன் வீட்டை சேதப்படுத்திய தம்பியை போலீஸாா் ஞாயிற்றுக்கிழமை கைது செய்தனா்.

கோட்டூா் கீழப்பனையூா் சிருவாசல்பட்டத்தை சோ்ந்த தா்மலிங்கம் மகன் கண்ணதாசன் (48). அரசுப் பள்ளி ஆசிரியா். இவரது தம்பி குணசேகரன் (45) டாஸ்மாக் நிறுவனத்தில் பணியாற்றி வருகிறாா்.

இருவருக்கும் இடப்பிரச்னை தொடா்பாக முன்விரோதம் இருந்த வந்ததுள்ளது.

இந்நிலையில், குணசேகரன் சனிக்கிழமை கண்ணதாசன் வீட்டுக்கு முன்னால் போடப்பட்டிருந்த ஆஸ்பெட்டாஸ் கூரை மற்றும் வீட்டு உபயோகப் பொருள்கள், மின்சாதனப் பொருள்களை சேதப்படுத்திவிட்டு தப்பியோடி விட்டாராம்.

இதுகுறித்து கோட்டூா் காவல் நிலையத்தில் அளிக்கப்பட்ட புகாரின் பேரில், போலீஸாா் குணசேகரனை ஞாயிற்றுக்கிழமை கைது செய்தனா்.