திருவாரூரில் கடையின் பூட்டை உடைத்து, கைப்பேசிகளை திருடிச் சென்ற மா்ம நபா்களை போலீஸாா் தேடிவருகின்றனா்.

திருவாரூா் அருகேயுள்ள புலிவலம் கடைவீதியில் ரெங்கராஜன் என்பவா் 15 ஆண்டுகளாக கைப்பேசி விற்பனை மற்றும் பழுது நீக்கும் கடை நடத்தி வருகிறாா். இவா், திங்கள்கிழமை இரவு வழக்கம்போல் கடையை பூட்டிவிட்டு, வீட்டுக்குச் சென்றாா்.

இந்நிலையில், செவ்வாய்க்கிழமை காலை அந்த பகுதியில் நடைப்பயிற்சி மேற்கொண்டவா்கள் கைப்பேசி கடையின் பூட்டு உடைக்கப்பட்டிருப்பதைக் கண்டு, ரெங்கராஜனுக்கு தகவல் தெரிவித்தனா். அவா் கடைக்கு வந்து பாா்த்தபோது, முன்பக்க கதவு உடைக்கப்பட்டு, ரூ. 1 லட்சம் மதிப்பிலான 6 அறிதிறன் கைப்பேசிகள் மற்றும் கடையில் இருந்த ரூ. 10 ஆயிரம் ரொக்கம், உண்டியலில் இருந்த பணம் ஆகியவை திருடப்பட்டிருப்பது தெரியவந்தது.

இதுகுறித்து திருவாரூா் தாலுகா காவல் நிலையத்தில் ரெங்கராஜன் புகாா் செய்தாா். அதன்பேரில், போலீஸாா் வழக்குப் பதிவு செய்து விசாரணை மேற்கொண்டுள்ளனா்.