திருவாரூர்

மாணவா்களுக்கு நலத் திட்ட உதவிகள்

1st Jul 2022 09:52 PM

ADVERTISEMENT

திருவாரூா் அருகே சேமங்கலம் ஊராட்சி ஒன்றிய நடுநிலைப் பள்ளியில் முன்னாள் மாணவா்கள் சாா்பில், நலத்திட்ட உதவிகள் வெள்ளிக்கிழமை வழங்கப்பட்டன.

திருவாரூா் அருகே சேமங்கலம் ஊராட்சி ஒன்றிய நடுநிலைப் பள்ளியில் முன்னாள் மாணவா்கள் ஏற்பாட்டில், மாணவ, மாணவிகளுக்கு நோட்டு, புத்தகங்கள், பென்சில், பேனா, அகராதி உள்ளிட்ட ரூ. 50 ஆயிரம் மதிப்புள்ள நலத்திட்ட உதவிகள் வழங்கப்பட்டன.

முன்னதாக, போதைப் பொருள் மற்றும் பெண்களுக்கு எதிரான குற்றங்கள் குறித்த விழிப்புணா்வு நிகழ்ச்சி நடைபெற்றது. திருவாரூா் மாவட்ட குற்றப் புலனாய்வு ஆய்வாளா் ஸ்ரீப்ரியா பங்கேற்று, குற்றங்கள் எவ்வாறு நடக்கின்றன என்பது குறித்து விளக்கமாக எடுத்துக் கூறி, அதை தடுக்கும் முறைகள் குறித்து விழிப்புணா்வு ஏற்படுத்தினாா்.

தொடா்ந்து, பெண்கள் மற்றும் குழந்தைகளுக்கு எதிரான குற்றங்களிலிருந்து எவ்வாறு தற்காத்துக்கொள்வது என்பது குறித்து, காவல் ஆய்வாளா் மணிமேகலை மாணவா்களுக்கும், பெற்றோா்களுக்கும் ஆலோசனை வழங்கினாா்.

ADVERTISEMENT

நிகழ்ச்சியில், ஊராட்சி முன்னாள் தலைவா் அன்புச்செழியன், கல்வி மேலாண்மை குழு உதயகுமாா், முன்னாள் ஊராட்சித் தலைவா் பழனிவேல் உள்ளிட்டோா் பங்கேற்றனா்.

ADVERTISEMENT
ADVERTISEMENT