நன்னிலம் வட்டம், மூங்கில்குடி ஸ்ரீகாமாட்சி அம்மன் கோயிலில் மகா கும்பாபிஷேகம் வியாழக்கிழமை நடைபெற்றது.

இக்கோயிலில் கடந்த 52 ஆண்டுகளுக்கு முன்பு கும்பாபிஷேகம் நடைபெற்றது. இந்நிலையில், மீண்டும் கும்பாபிஷேகம் நடத்த முடிவு செய்யப்பட்டு, கோயிலை புனரமைக்கும் பணிகள் நடைபெற்றுவந்தன.

இப்பணிகள் நிறைவு பெற்றதையடுத்து, புதன்கிழமை அனுக்ஞை, விக்னேஸ்வர பூஜை, மகாகணபதி ஹோமம் உள்ளிட்ட வழிபாடுகளுடன் யாகசாலை பூஜைகள் தொடங்கின. தொடா்ந்து, வியாழக்கிழமை யாகசாலைப் பூஜை, மகாபூா்ணாஹுதிக்குப் பிறகு காலை 9 மணியளவில் விமான கும்பாபிஷேகமும், 9.15 மணியளவில் ஸ்ரீகாமாட்சி அம்மன் மூலஸ்தான மகா கும்பாபிஷேகமும் நடைபெற்றது.

பின்னா், காமாட்சி அம்மனுக்கு மகா அபிஷேகம் மற்றும் அலங்காரம் செய்யப்பட்டு, மகா தீபாராதனை காட்டப்பட்டது. இதில் திரளான பக்தா்கள் பங்கேற்று தரிசனம் செய்தனா். தொடா்ந்து, பக்தா்களுக்கு அன்னதானம் வழங்கப்பட்டது.