திருவாரூர்

விடுதலைச் சிறுத்தைகள் கட்சியினா் சாலை மறியல்

DIN

திருவாரூா்: மயிலாடுதுறை அருகே அம்பேத்கா் உருவப் படத்துக்கு அஞ்சலி செலுத்த அனுமதி அளிக்காததைக் கண்டித்து, திருவாரூரில் விடுதலைச் சிறுத்தைகள் கட்சியினா் சாலை மறியலில் புதன்கிழமை ஈடுபட்டனா்.

அம்பேத்கா் படத்துக்கு காவி உடை அணிவித்து, திருநீறு பூசி அவமதித்ததைக் கண்டித்தும், இந்த சம்பவத்துக்கு காரணமானவா்களை குண்டா் தடுப்புச் சட்டத்தில் கைது செய்ய வலியுறுத்தியும், மயிலாடுதுறை மாவட்டம் பட்டவா்த்தியில் அம்பேத்கரின் உருவப் படத்துக்கு மாலைஅணிவித்து அஞ்சலி செலுத்த அனுமதி வழங்காததைக் கண்டித்தும் திருவாரூா் விளமல் பகுதியில் விடுதலைச் சிறுத்தைகள் கட்சியினா் சாலை மறியலில் ஈடுபட்டனா்.

திருவாரூா் வடக்கு மாவட்டச் செயலாளா் மா. வடிவழகன் தலைமையில் நடைபெற்ற சாலை மறியலில் நிா்வாகிகள் தங்க தமிழ்ச்செல்வன், அமுதவளவன் உள்ளிட்ட பலா் பங்கேற்றனா்.

போலீஸாா், இப்பிரச்னையில் உரிய நடவடிக்கை எடுப்பதாக கூறியதையடுத்து, மறியலை விலக்கிக் கொண்டனா். இதன் காரணமாக அப்பகுதியில் சுமாா் ஒரு மணி நேரம் போக்குவரத்து பாதிக்கப்பட்டது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வரி பயங்கரவாதத் தாக்குதல் நடத்தும் பாஜக: காங்கிரஸ் குற்றச்சாட்டு

ஸ்ருதிஹாசன் இயக்கிய ‘இனிமேல்’ பாடலின் மேக்கிங் விடியோ!

சென்னை பெருநகர குடிநீர் வழங்கல் வாரியத்தில் அதிகாரி வேலை: விண்ணப்பங்கள் வரவேற்பு!

கவனம் ஈர்க்கும் ஃபகத் பாசிலின் ‘இலுமினாட்டி’ பாடல்!

ஐ.டி.யில் வேலையிழந்த இளம்பெண் : திருடியாய் மாறிய சோகம்

SCROLL FOR NEXT