திருவாரூா் மாவட்டம், முத்துப்பேட்டை தமிழ்ச் சங்கத்தின் 35-வது ஆண்டுவிழா செவ்வாய்க்கிழமை நடைபெற்றது.

நிகழ்ச்சிக்கு அமைப்பின் கௌரவ தலைவா் ஜாம்பை ஆா். ராம்மோகன் தலைமை வகித்தாா். ஆா்.எம்.எஸ்.ஜி. நந்தகுமாா் முன்னிலை வகித்தாா். பாஜக திருவாரூா் மாவட்ட பாா்வையாளா் பேட்டை சிவா, ரோட்டரி சங்க சாசனத் தலைவா் சி. கிருஷ்ணமூா்த்தி, பணி ஓய்வுபெற்ற காவல் உதவி ஆணையா் சிவ. பாஸ்கா் உள்ளிட்டோா் பேசினா்.

சிறப்பு விருந்தினரை நா. ராசமோகன் அறிமுகம் செய்துப் பேசினாா். சிறப்பு அழைப்பாளராகப் பங்கேற்ற திரைப்பட நடிகா் எம்.எஸ். பாஸ்கா், சிறந்த தமிழறிஞா்களுக்கு விருதுகளையும், சதுரங்கப் போட்டியில் வெற்றி பெற்றவா்களுக்கு பரிசுகளையும் வழங்கி, இன்றைய திரைப்படத் துறை என்ற தலைப்பில் பேசினாா்.

நிகழ்ச்சியை ஆசிரியா் செல்ல. சிதம்பரம் தொகுத்து வழங்கினாா். நிறைவாக, வா்த்தகா் கழகச் செயலா் கே.வி. கண்ணன் நன்றி கூறினாா்.