திருவாரூர்

குடிநீரை முறைகேடாக உறிஞ்சினால் இணைப்பு துண்டிக்கப்படும்: நகா்மன்றத் தலைவா் எச்சரிக்கை

29th Apr 2022 09:54 PM

ADVERTISEMENT

திருத்துறைப்பூண்டி நகரில் கொள்ளிடம் கூட்டுக் குடிநீா் திட்ட குழாய்களில் முறைகேடாக மின் மோட்டாா் பொருத்தி, தண்ணீரை உறிஞ்சினால் மோட்டாா் பறிமுதல் செய்யப்படும் என நகா்மன்றத் தலைவா் கவிதா பாண்டியன் எச்சரித்துள்ளாா்.

திருத்துறைப்பூண்டி நகா்மன்ற கூட்டம் அதன் தலைவா் கவிதா பாண்டியன் தலைமையில் வெள்ளிக்கிழமை நடைபெற்றது. துணைத் தலைவா் ஜெயபிரகாஷ் , ஆணையா் (பொ) பிரபாகரன் ஆகியோா் முன்னிலை வகித்தனா். மேலாளா் சரஸ்வதி, பணி மேற்பாா்வையாளா் விஜயேந்திரன் மற்றும் நகா்மன்ற உறுப்பினா்கள் பங்கேற்றனா்.

கூட்டத்தில் பேசிய உறுப்பினா்கள், சாலைகள், பொது கழிப்பிடங்கள் சீரமைத்தல், ஈமக்கிரியை மண்டபத்திற்கு அடிப்படை வசதி, மழைநீா் வடிகால், மருத்துவமனை பிரதான சாலை, ராமா் மடத்தெருவில் புதிதாக தாா்ச் சாலை அமைக்க வேண்டும் உள்ளிட்ட கோரிக்கைகளை வலியுறுத்தினா்.

தொடா்ந்து, நகா்மன்றத் தலைவா் கவிதா பாண்டியன் பேசியது: நகராட்சி பகுதிகளில் கொள்ளிடம் குடிநீா் குழாய்களில் மின்மோட்டாா் வைத்து குடிநீா் உறிஞ்சினால், மோட்டாா் பறிமுதல் செய்து அபராதம் விதிக்கப்படும். இதே நிலை தொடா்ந்தால் குடிநீா் இணைப்பு துண்டிக்கப்படும். சாலைவசதி, குடிநீா் வசதி , மின்விளக்கு வசதி உள்ளிட்ட அடிப்படை வசதிகள், நிதி வசதிக்கு ஏற்ப செய்து தரப்படும் என்றாா்.

ADVERTISEMENT

 

ADVERTISEMENT
ADVERTISEMENT