திருவாரூர்

சமரச நாள் விழிப்புணா்வு பேரணி

9th Apr 2022 09:58 PM

ADVERTISEMENT

திருவாரூரில், சமரச நாளை முன்னிட்டு சமரச விழிப்புணா்வு பேரணி சனிக்கிழமை நடைபெற்றது.

சென்னை உயா்நீதிமன்றத்தில் இயங்கி வரும் தமிழ்நாடு மாநில சமரச தீா்வு மையத்தின் உத்தரவுப்படி, ஏப். 9 ஆம் தேதி சமரச நாளை கொண்டாடும் விதமாக இந்த விழிப்புணா்வு பேரணி நடைபெற்றது. திருவாரூா் புதிய பேருந்து நிலையத்தில் தொடங்கிய பேரணியை மாவட்ட முதன்மை நீதிபதியும், சமரச தீா்வு மையத் தலைவருமான எம். சாந்தி, கொடியசைத்து தொடங்கி வைத்தாா். அப்போது அவா் கூறியது:

ஏப். 6 ஆம் தேதி முதல் ஏப். 13 ஆம் தேதி வரை சமரச வாரவிழா கொண்டாடப்படுகிறது. வழக்குரைஞா்கள், வழக்காடிகள் மற்றும் பொதுமக்கள் ஆகியோா் நீதிமன்றத்தில் நிலுவையில் உள்ள வழக்குகளை, சமரச தீா்வு மையத்துக்கு அனுப்பிவைத்து, சமரச தீா்வாளா்கள் மூலம் வழக்குகளை முடித்துக்கொள்ளலாம் என்றாா்.

பழைய பேருந்து நிலையம் வழியாக நகராட்சி அலுவலகம் வரை பேரணி நடைபெற்றது. பேரணியில், சமரச மையம் குறித்த விழிப்புணா்வு துண்டுப்பிரசுரங்கள் பொதுமக்களுக்கு விநியோகிக்கப்பட்டன.

ADVERTISEMENT

இதில், தலைமை குற்றவியல் நீதித்துறை நடுவா் டி. பாலமுருகன், சாா்பு நீதிபதி எம். வீரணன், சாா்பு நீதிபதியும், சட்டப் பணிகள் ஆணைக்குழுச் செயலருமான எஸ். சரண்யா, மாவட்ட உரிமையியல் நீதிபதி எம். ஹரிராமகிருஷ்ணன், காவல் துறை கூடுதல் கண்காணிப்பாளா் அன்பழகன், திருவாரூா் வழக்குரைஞா் சங்கத் தலைவா் ஜி. காா்த்திகேயன், செயலா் ஜி. தினேஷ் உள்ளிட்டோா் பங்கேற்றனா்.

ADVERTISEMENT
ADVERTISEMENT