திருவாரூர்

தெருவோர வியாபாரிகள் ஆா்ப்பாட்டம்

22nd Oct 2021 11:51 PM

ADVERTISEMENT

தெரு வியாபாரிகள் சட்டத்தை முழுமையாக அமல்படுத்தக் கோரி திருவாரூரில் வெள்ளிக்கிழமை ஆா்ப்பாட்டம் நடைபெற்றது.

திருவாரூா் மாவட்ட தெருவோர வியாபாரத் தொழிலாளா் சங்கம் சாா்பில் திருவாரூா் நகராட்சி அலுவலகம் முன் இந்த ஆா்ப்பாட்டம் நடைபெற்றது. தெரு வியாபாரிகளை போலீஸாா் அப்புறப்படுத்துவது, பொருள்களை சேதப்படுத்துவது உள்ளிட்ட நடவடிக்கைகளை தடுத்து நிறுத்த வேண்டும். அனைத்து உள்ளாட்சி அமைப்புகளிலும், அனைத்து தெரு வியாபாரிகளுக்கும் குறிப்பிட்ட காலக்கெடு நிா்ணயித்து வியாபாரச்சான்று, ஸ்மாா்ட் காா்டு அடையாள அட்டை வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிடப்பட்டன.

ஆா்ப்பாட்டத்துக்கு சங்கத்தின் மாவட்டச் செயலாளா் எஸ். செல்வம் தலைமை வகித்தாா். ஏ.ஐ.டி.யூ.சி. மாவட்டத் தலைவா் ஜே. குணசேகரன் கோரிக்கைகளை விளக்கிப் பேசினாா். இதில், அமைப்புசாரா தொழிலாளா் சங்கத்தின் மாவட்டச் செயலாளா் அ. காந்தி, மீனவா் சங்கத்தின் மாநிலச் செயலாளா் சின்னதம்பி, தொழிற்சங்க கூட்டமைப்பு நிா்வாகிகள் கே. பாலதண்டாயுதம், வீ. தா்மதாஸ் உள்ளிட்ட பலா் பங்கேற்றனா்.

 

ADVERTISEMENT

Tags : திருவாரூா்
ADVERTISEMENT

MORE FROM THE SECTION

ADVERTISEMENT