திருவாரூா் மாவட்டத்தில், சமூக நீதிக்காக பாடுபவா்களை சிறப்பிக்கும் வகையில் வழங்கப்படும் சமூக நீதிக்கான தந்தை பெரியாா் விருதுக்கு விண்ணப்பிக்கலாம் என மாவட்ட ஆட்சியா் ப. காயத்ரி கிருஷ்ணன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு: இந்த விருது பெறுவோருக்கு ரூ. 1 லட்சம் விருது தொகையும், ஒரு சவரன் தங்கப் பதக்கமும், தகுதியுரையும் வழங்கப்படுகிறது. விருதாளா், தமிழக முதல்வரால் தோ்வு செய்யப்படுவா்.

2021-ஆம் ஆண்டுக்கான விருதுக்கு தகுதியானவா்கள் தோ்ந்தெடுக்கப்படவுள்ளனா். எனவே, சமூக நீதிக்காக பாடுபட்டு பொதுமக்களின் வாழ்க்கைத் தரத்தை மேம்படுத்த மேற்கொள்ளப்பட்ட பணிகள் மற்றும் அதன்பொருட்டு எய்திய சாதனைகள் ஆகிய தகுதிகள் உடையவா்கள் தங்களது விண்ணப்பத்தை மாவட்ட ஆட்சியருக்கு விண்ணப்பிக்கலாம். விண்ணப்பமானது, சுயவிவரம், முழு முகவரி, தொலைபேசி எண் மற்றும் சமூக நீதிக்காக பாடுபட்ட பணிகள் குறித்த விவரம் மற்றும் ஆவணங்கள் உள்ளடக்கியதாக இருக்கவேண்டும். விண்ணப்பிக்க நவ.30-ஆம் தேதி கடைசி நாளாகும் என தெரிவித்துள்ளாா்.