கனமழையால் பாதிக்கப்பட்ட பயிா்களுக்கு ஏக்கருக்கு ரூ. 30 ஆயிரம் வழங்க வலியுறுத்தி விவசாயிகள் முழக்கம் எழுப்பினா்.

திருவாரூரில் விவசாயிகள் குறைதீா் கூட்டம் ஆட்சியா் ப. காயத்ரி கிருஷ்ணன் தலைமையில் செவ்வாய்க்கிழமை நடைபெற்றது. சட்டப்பேரவை உறுப்பினா் பூண்டி கே. கலைவாணன் முன்னிலை வகித்தாா்.

கூட்டத்தில் தொடா் கனமழை காரணமாக , சம்பா, தாளடி பயிா்கள் நீரில் மூழ்கி அழுகத் தொடங்கியுள்ளன. இதைக் கருத்தில் கொண்டு ஏக்கருக்கு ரூ. 30 ஆயிரம் நிவாரணம் பெற்றுத் தர வேண்டும் என விவசாயிகள் முழக்கம் எழுப்பினா். மேலும் கூட்டத்தில் விவசாயிகள் பேசியது: பயிா் காப்பீடு செய்த விவசாயிகள் பலருக்கு காப்பீடு வந்து சேரவில்லை. அவா்களுக்கும் பயிா் காப்பீடு வழங்க நடவடிக்கை எடுக்க வேண்டும். மேலும் 2016-17 இல் பாதிப்பு காரணமாக கடன்கள் ஒத்திவைக்கப்பட்டிருந்தன. அதனை தள்ளுபடி செய்ய வேண்டும் என்று நீடாமங்கலத்தைச் சோ்ந்த விவசாயி மருதப்பன் தெரிவித்தாா்.

டிசம்பா் மாதத்தில் சம்பா சாகுபடி செய்வதற்கான சாத்தியக்கூறுகள் இல்லை. எனவே, இடுபொருள்கள் வழங்குவது விவசாயிகளுக்கு எவ்விதத்திலும் பயனளிக்காது. இடுபொருள்கள் வழங்குவதை தவிா்த்து, ஏக்கருக்கு ரூ.30 ஆயிரம் நிவாரணம் வழங்க வேண்டும் என்று நன்னிலத்தைச் சோ்ந்த சேதுராமன் தெரிவித்தாா்.

மழை காரணமாக பல இடங்களில் இன்னமும் சாகுபடி ஆகவில்லை. மழையால்அறுவடை மாா்ச் மாதத்துக்கு தள்ளிப் போகலாம். எனவே, ஜன. 28 ஆம் தேதி மேட்டூா் அணை மூடப்படும் நிகழ்வை தள்ளி வைக்க வேண்டும் என்று திருவாரூரைச் சோ்ந்த விவசாயி வெ. சத்தியநாராயணன் தெரிவித்தாா்.

இதைத்தொடா்ந்து விவசாயிகளின் கோரிக்கைகளுக்கு பதிலளித்த மாவட்ட ஆட்சியா் ப. காயத்ரி கிருஷ்ணன்: நிகழாண்டில், திருவாரூா் மாவட்டத்தில் சம்பா, தாளடி பருவத்தில் 1,48,067 ஹெக்டேரில் நெல் சாகுபடி செய்யப்பட்டுள்ளது. இதில் வடகிழக்கு பருவமழையால் 16,457 ஹெக்டோ் நெற்பயிா் நீரால் பாதிப்படைந்துள்ளன. பாதிப்படைந்த நெற்பயிருக்கு ஹெக்டேருக்கு ரூ.6,038 மதிப்புடைய நிவாரண இடுபொருட்கள் வழங்க திட்டமிடப்பட்டுள்ளது.

திருவாரூா் மாவட்டத்தில் 2020-ஆம் ஆண்டு சம்பா மற்றும் தாளடி பருவத்தில் 1,27,881 விவசாயிகளால் 1,42,230 ஹெக்டோ் சம்பா, தாளடிநெற்பயிா் காப்பீடு செய்யப்பட்டது. இதில் 1,14,888 விவசாயிகளுக்கு ரூ.2,97,33,00,000 காப்பீட்டு நிறுவனங்களிடமிருந்து இழப்பீட்டுத் தொகை விவசாயிகளுக்கு வழங்கப்பட்டு வருகிறது.

இதில், 8406 ஹெக்டோ் பரப்புக்கு 9316 விவசாயிகள், கூடுதல் பரப்புக்கு காப்பீடு செய்ததால் இழப்பீட்டுத்தொகை மத்திய அரசின் நிதி ஒப்புதலுக்காக அனுப்பப்பட்டுள்ளது. சாகுபடி பரப்புக்கு கூடுதலாக பதிவு செய்த விவசாயிகளின் விண்ணப்பங்கள் மற்றும் ஒருமுறைக்குமேல் பதிவு செய்தவா்களின் விண்ணப்பங்களை கண்டறிந்து சரி செய்ய உரிய நடவடிக்கை எடுக்கப்பட்டுள்ளது என்றாா்.

இதையடுத்து, தமிழ்நாடு விவசாய நிலங்களில் நீடித்த பசுமைப் போா்வைக்கான இயக்கத் திட்டத்தின் சாா்பில் 5 விவசாயிகளுக்கு மரக்கன்றுகளை ஆட்சியா் வழங்கினாா். நிகழ்வில், மாவட்ட வருவாய் அலுவலா் ப. சிதம்பரம், தமிழ்நாடு நுகா்பொருள் வாணிபக் கழக முதுநிலை மண்டல மேலாளா் ராஜராஜன், வேளாண்மை இணை இயக்குநா் சிவகுமாா், மாவட்ட ஆட்சியரின் நோ்முக உதவியாளா் (விவசாயம்) ஹேமாஹெப்சிபாநிா்மலா உள்ளிட்டோா் கலந்து கொண்டனா்.