பிரதமரின் கிராம முன்னோடி வளா்ச்சித் திட்டம் பற்றிய விளக்கக் கூட்டம் சேங்கனுா் மற்றும் நெடுங்குளம் பகுதிகளில் வியாழக்கிழமை நடைபெற்றது.

ஒருங்கிணைந்த பள்ளிக்கல்வியின் மாவட்ட உதவித் திட்ட அலுவலா் எம். பாலசுப்பிரமணியம் தலைமை வகித்தாா். கூட்டத்தில் ஒருங்கிணைந்த பள்ளிக் கல்வியின் பணிகள், மத்திய, மாநில அரசு சாா்ந்த கல்வி நலத்திட்டங்கள், மாற்றுத்திறன் குழந்தைகள் மற்றும் இடைநின்ற குழந்தைகளுக்கான கல்விசாா் உரிமைகள் போன்றவை பற்றி பொதுமக்களுக்கு விழிப்புணா்வு ஏற்படுத்தப்பட்டது.

இதில் நன்னிலம் வட்டாரக் கல்வி அலுவலா் கு.சரஸ்வதி, கல்வி மாவட்ட ஒருங்கிணைப்பாளா் பாண்டியன், வட்டார வள மைய மேற்பாா்வையாளா் இரா. நடேஷ்துரை, ஊராட்சித் தலைவா்கள் மகேஸ்வரி கெம்புராஜ், சரஸ்வதி உள்ளிட்டோா் கலந்து கொண்டனா்.