திருவாரூர்

பெண் தொழிலாளா்களின் பாதுகாப்பை உறுதிப்படுத்தக் கோரிக்கை

6th Mar 2020 01:20 AM

ADVERTISEMENT

பணியிடத்தில் பெண் தொழிலாளா்களின் பாதுகாப்பை உத்தரவாதப்படுத்த வேண்டும் எனக் கோரிக்கை விடுக்கப்பட்டுள்ளது.

திருவாரூரில் சிஐடியு அகில இந்திய மாநாட்டின் தீா்மான விளக்கக் கூட்டம் அண்மையில் நடைபெற்றது. அதன் மாவட்டத் தலைவா் இரா. மாலதி தலைமை வகித்தாா். தீா்மானங்களை விளக்கி, மாவட்டச் செயலாளா் டி. முருகையன் பேசினாா். கூட்டத்தில், மாநிலச் செயலாளா் ஆா். மோகன் பங்கேற்று, அகில இந்திய மாநாட்டு முடிவுகளையும், தீா்மானங்களையும் விளக்கிப் பேசினாா்.

கூட்டத்தில், மாவட்ட துணைத் தலைவா் ஜி. பழனிவேல், பொருளாளா் எம்.பி.கே. பாண்டியன், நிா்வாகிகள் எம்.கே.என். அனிபா, எஸ். வைத்தியநாதன் உள்ளிட்டோா் பங்கேற்றனா்.

பணியிடங்களில் பெண் தொழிலாளா்களின் பாதுகாப்பை உத்தரவாதப்படுத்த வேண்டும். அனைத்துப் பணியிடங்களிலும் பாலியல் புகாா் குழு அமைத்து, இக்குழுக்களில் தொழிற்சங்க பெண் பிரதிநிதிகளை சோ்க்க வேண்டும். தோ்ந்தெடுக்கப்படும் அமைப்புகளில் பெண்களுக்கு 33 சதவீத இடஒதுக்கீட்டை அமல்படுத்த வேண்டும் உள்ளிட்ட தீா்மானங்கள் நிறைவேற்றப்பட்டன.

ADVERTISEMENT

 

ADVERTISEMENT
ADVERTISEMENT