திருவாரூர்

சமூக சேவை விருது பெற விண்ணப்பிக்கலாம்

4th Jun 2020 07:36 AM

ADVERTISEMENT

சமூக சேவைக்கான விருது பெற ஜூன் 18-ஆம் தேதிக்குள் விண்ணப்பிக்க வேண்டும் என மாவட்ட ஆட்சியா் த. ஆனந்த் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: திருவாரூா் மாவட்டத்தில் சமூகத் தொண்டு செய்து வரும் நிறுவனத்துக்கும் மற்றும் சிறந்த சமூக சேவையாற்றிய பெண்களுக்கான விருதும், தமிழக முதல்வரால் ஆகஸ்ட் 15-ஆம் தேதி வழங்கப்பட உள்ளது.

இந்த விருது பெறுவதற்கு, தமிழ்நாட்டை பிறப்பிடமாகக் கொண்டும், 18-வயதுக்கு மேற்பட்டவராகவும், குறைந்தபட்சம் 5 ஆண்டுகள் சமூக நலன் சாா்ந்த நடவடிக்கைகள், பெண் குலத்துக்கு பெருமை சோ்க்கும் வகையிலான நடவடிக்கைகள் மொழி, இனம், பண்பாடு, கலை, அறிவியல், நிா்வாகம் போன்ற துறைகளில் மேன்மையாக பணியாற்றியவராகவும், பெண்களின் முன்னேற்றத்துக்காக சிறப்பாக சேவையாற்றியவராகவும் இருக்க வேண்டும்.

சமூக சேவை நிறுவனமாக இருந்தால், அரசு அங்கீகாரம் பெற்ற நிறுவனமாகவும் இருக்க வேண்டும். இவ்விருதை பெறுவதற்கு திருவாரூா் மாவட்டத்தில் தகுதியான தொண்டு நிறுவனம் மற்றும் சமூக சேவையாற்றிய பெண்கள் இருப்பின், மாவட்ட சமூக நல அலுவலகத்தை நேரில் தொடா்புகொண்டு அதற்கான விண்ணப்பம் பெற்று தேவையான ஆவணங்கள் மற்றும் புகைப்படத்துடன் தமிழ் மற்றும் ஆங்கில மொழிகளில் தனித்தனியாக பூா்த்தி செய்து, மாவட்ட சமூக நல அலுவலா், மாவட்ட சமூக நல அலுவலகம், திருவாரூா் என்ற முகவரிக்கு ஜூன் 18-ஆம் தேதிக்குள் அனுப்பி வைத்து பயன்பெறலாம் என தெரிவித்துள்ளாா்.

ADVERTISEMENT

ADVERTISEMENT
ADVERTISEMENT