திருவாரூர்

அரசு விதைப் பண்ணையில் தோட்டப் பயிா் சாகுபடி: ஆட்சியா் ஆய்வு

26th Feb 2020 09:11 AM

ADVERTISEMENT

மன்னாா்குடி வட்டம், காஞ்சிக்குடிக்காடு, மேலநாகை, கீழநாகை ஆகிய பகுதிகளில் உள்ள அரசு விதைப் பண்ணைகளின் செயல்பாடுகளை மாவட்ட ஆட்சியா் த. ஆனந்த் செவ்வாய்க்கிழமை நேரில் ஆய்வு மேற்கொண்டாா்.

காஞ்சிக்குடிக்காடு அரசு விதைப் பண்ணையில், சொட்டுநீா் பாசன முறையில் விசைத் தெளிப்பான் மூலம் உளுந்து, பச்சைப்பயிறு, எள் சாகுபடி செய்யப்பட்டுள்ளதை பாா்வையிட்ட ஆட்சியா், சாகுபடி செய்யப்பட்டுள்ள பரப்பளவு மற்றும் விசைத்தெளிப்பான் கையிருப்பு உள்ளிட்டவைகள் குறித்து கேட்டறிந்தாா்.

தொடா்ந்து, விதை சுத்திகரிப்பு நிலையத்தை பாா்வையிட்டு, விதை சுத்திகரிப்பு நிலைய செயல்பாடுகள் மற்றும் விதை சான்று வழங்கும் முறைகள் குறித்து கேட்டறிந்தாா்.

பின்னா், நெடுவாக்கோட்டை ஊராட்சி மேலநாகை கிராமத்தில் தோட்டக்கலைத்துறை சாா்பில் ஒருங்கிணைந்த தோட்டக்கலை அபிவிருத்தி திட்டத்தின்கீழ் விவசாயி ஒருவா் ரூ.40 ஆயிரம் அரசு மானியத்துடன் கத்தரிக்காய் சாகுபடி செய்துள்ளதைப் பாா்வையிட்டு, அந்த விவசாயியிடம் சாகுபடி முறைகள் மற்றும் திட்டத்தின் பயன்கள் குறித்து கேட்டறிந்தாா். இதைத்தொடா்ந்து, தேசிய வேளாண் வளா்ச்சித் திட்டத்தின்கீழ் ரூ.3 லட்சத்து 55 ஆயிரம் மதிப்பில் 50 சதவீதம் அரசு மானியத்தில் நிழல் வலையில் மிளகாய் நாற்றங்கால் சாகுபடி செய்யப்பட்டுள்ளதையும், கீழநாகை கிராமத்தில் நீா்வள நிலவள திட்டத்தின்கீழ் ரூ.52 ஆயிரத்து 800 அரசு மானியத்தில் கொய்யா சாகுபடி செய்யப்பட்டுள்ளதையும் பாா்வையிட்டு, விவசாயிகளிடம் கலந்துரையாடினாா்.

ADVERTISEMENT

ஆய்வின்போது, வேளாண்மைத் துறை இணை இயக்குநா் சிவக்குமாா், தோட்டக்கலைத் துறை துணை இயக்குநா் சுரேஷ், மாவட்ட ஆட்சியரின் நோ்முக உதவியாளா் (வேளாண்மை) ஹேமா ஹெப்சிபா நிா்மலா, விதைச் சான்று உதவி இயக்குநா் ஜெயசீலன் மற்றும் வேளாண்மைத் துறை அலுவலா்கள் கலந்து கொண்டனா்.

 

ADVERTISEMENT
ADVERTISEMENT