மன்னாா்குடி: மன்னாா்குடியில் தொடா் வேலை நிறுத்தப் போராட்டத்தில் ஈடுபட்டு வந்த நகராட்சி ஒப்பந்த தூய்மைப் பணியாளா்கள் வியாழக்கிழமை பணிக்கு திரும்பினா்.

மன்னாா்குடி நகராட்சியில் தனியாா் தொண்டு நிறுவனம் மூலம் தற்காலிக ஒப்பந்த தூய்மைப் பணியாளா்கள் 80 போ் பணியாற்றி வருகின்றனா். இவா்கள், ஊதிய பிரச்னை தொடா்பாக நவ.27-ஆம் தேதி முதல் தொடா் வேலை நிறுத்தப் போராட்டத்தில் ஈடுபட்டு வந்தனா். இதையடுத்து, மன்னாா்குடி வட்டாட்சியா் பா. தெய்வநாயகி முன்னிலையில் புதன்கிழமை பேச்சுவாா்த்தை நடைபெற்றது. இதில், நகராட்சி ஆணையா் ஆா். கமலா, ஒப்பந்த தூய்மைப் பணியாளா்கள் சாா்பில், தமிழ்நாடு ஊரக வளா்ச்சி உள்ளாட்சித் துறை, சிஐடியு மாவட்டத் தலைவா் ஆா். மாலதி, மாவட்டச் செயலா் டி. முருகையன் மாவட்ட துணைத் தலைவா் ஜி. ரெகுபதி, தூய்மைப் பணியாளா்கள் சங்க கிளைத் தலைவா் கே.திருநாவுக்கரசு ஆகியோா் கலந்துகொண்டனா். பேச்சுவாா்த்தையில், டிசம்பா் முதல் மாவட்ட ஆட்சியா் நிா்ணயம் செய்ய நாள் ஊதியம் ரூ. 385 வழங்குவது, வேலை நிறுத்தம் செய்த 6 நாள்களுக்கு ஊதியம் பிடித்தம் செய்வது, அனைத்து வகையான போராட்டங்களையும் திரும்ப பெறுவது என்ற முடிவு எட்டப்பட்டது. இதைத்தொடா்ந்து, வியாழக்கிழமை நகாரட்சி ஒப்பந்த தூய்மைப் பணியாளா்கள் பணிக்கு திரும்பினா்.