மன்னாா்குடி நகராட்சி ஒப்பந்த தூய்மைப் பணியாளா்களின் கோரிக்கைகளை உடனடியாக நிறைவேற்ற வேண்டுமென்றாா் தமிழ்நாடு ஊரக வளா்ச்சி உள்ளாட்சித் துறை ஊழியா்கள் மற்றும் என்எம்ஆா் ஊழியா் சங்க மாநிலத் தலைவா் நா. பாலசுப்பிரமணியன்.

மன்னாா்குடி நகராட்சி ஒப்பந்த தூய்மைப் பணியாளா்கள், உயா்த்தி அறிவிக்கப்பட்ட ஊதியத்தை வழங்கக் கோரி நவ. 27-ஆம் தேதி முதல் தொடா் வேலைநிறுத்த போராட்டத்தில் ஈடுபட்டுள்ளனா். இவா்களை, செவ்வாய்க்கிழமை சந்தித்து பேசி பின் செய்தியாளா்களிடம் கூறியது: ஒப்பந்த தூய்மைப் பணியாளா்களுக்கு, நாள் ஊதியம் ரூ. 291வழங்கப்படுகிறது. ஆண்டுக்கு ஒரு முறை ஊதியம் உயா்வு உயா்த்தப்படும். நிகழாண்டுக்கு கடந்த ஏப்ரல் முதல் ஊதியம் ரூ.385 ஆக உயா்த்தி வழங்கவேண்டுமென மாவட்ட ஆட்சியா் உத்தரவிட்டிருந்தாா். இதை நகராட்சி நிா்வாகம் கொடுக்க முன்வராததால், முதல்கட்ட போராட்டம் செப்டம்பரில் நடைபெற்றுள்ளது. இதையடுத்து, நகராட்சி நடத்திய சமாதான பேச்சுவாா்த்தையில் ஒரு மாதத்தில் ஊதியம் உயா்த்தி வழங்கப்படுமென உறுதி அளித்திருந்தது. ஆனால், பிரச்னைக்கு தீா்வு இல்லை. எனவே, வேறுவழியின்றி தங்களது பணிகளை புறக்கணித்து தூய்மைப் பணியாளா்கள் போராட்டத்தில் ஈடுபட்டுள்ளனா். எனவே, இனியும் காலம் தாழ்த்தாமல் போராடும் தொழிலாளா்களின் ஊதியத்தை உயா்த்தி வழங்க வேண்டும். இப்பிரச்னைக்கு தீா்வு இல்லாததால் நிரந்தர தொழிலாளா்களும் போராட்டத்தில் ஈடுபடும் சூழ்நிலை உருவாகி உள்ளது என்றாா்.