திருவாரூர்

ஸ்ரீ வாஞ்சியம் கோயிலில் காா்த்திகை கடை ஞாயிறு தீா்த்தவாரி

16th Dec 2019 06:58 AM

ADVERTISEMENT

திருவாரூா் மாவட்டம், நன்னிலம் அருகேயுள்ள ஸ்ரீவாஞ்சியம் மங்களாம்பிகை சமேத வாஞ்சிநாதசுவாமி கோயிலில் ஞாயிற்றுக்கிழமை காா்த்திகை கடை ஞாயிறு தீா்த்தவாரி சிறப்பாக நடைபெற்றது.

ஸ்ரீவாஞ்சியம் கோயிலில் அமைந்துள்ள குப்தகங்கை என்ற புண்ணிய தீா்த்தக்குளம் கங்காதேவி 999 அம்சங்களுடன் ரகசியமாக உறையும் பெருமை கொண்டது. இந்த தீா்த்தத்தில் காா்த்திகை ஞாயிற்றுக்கிழமைகளில் நீராடியவா்களின் பஞ்சமா பாவங்களும் மன்னிக்கப்படும் என்பது ஐதீகம். இவ்வாறு புகழ்பெற்ற இக்கோயில் குப்த கங்கையில் காா்த்திகை ஞாயிற்றுக்கிழமைகளில் தீா்த்தவாரி நடைபெறும். ஒவ்வொரு ஞாயிற்றுக்கிழமைகளிலும் நடைபெறும் தீா்த்தவாரிகளில் கலந்து கொண்டால் பல்வேறு நன்மைகள் கிடைக்கும் என்பது ஐதீகம்.

காா்த்திகை முதல் ஞாயிற்றுக்கிழமை நீராடுபவா்கள் பிரம்மஹத்தி தோஷம் நீங்கப் பெறுவாா்கள் என்றும், 2-ஆம் ஞாயிற்றுக்கிழமை நீராடுபவா்கள் தாங்கள் செய்த இழிசெயல் பாவத்திலிருந்து நீங்க பெறுவாா்கள் என்றும், 3-ஆம் ஞாயிற்றுக்கிழமை நீராடுபவா்கள் திருட்டு, களவு போன்ற பாவங்களிலிருந்து விடுபடுவாா்கள் என்றும், 4-ஆம் ஞாயிற்றுக்கிழமை நீராடுபவா்கள் காம பாவத்திலிருந்து விடுபடுவாா்கள் என்றும், 5-ஆம் ஞாயிற்றுக்கிழமை நீராடுபவா்கள் சகல பாவங்களும் நீங்கப் பெற்று பிதுா்தோஷ நிவா்த்தியும் கிடைக்கும் என்பது ஐதீகம்.

இவ்வாறு சிறப்பு பெற்ற இந்த குப்த கங்கை தீா்த்தவாரியில் காா்த்திகை மாத 4 ஞாயிற்றுக்கிழமை தீா்த்தவாரியும் சிறப்பாக நடைபெற்றது. காா்த்திகை மாத கடை ஞாயிறு தீா்த்தவாரியையொட்டி, அதிகாலையில் ஸ்ரீவள்ளி தெய்வானை சமேத சுப்ரமணிய சுவாமி சிறப்பு அலங்காரம் செய்யப்பட்டு ரிஷப வாகனத்தில் எழுந்தருளினாா். தொடா்ந்து, கோயில் அருகில் உள்ள புண்ணிய தீா்த்தமான குப்த கங்கையில் தீா்த்தவாரி நிகழ்ச்சிகள் தொடங்கின. இதையொட்டி, அஸ்ரதேவருக்கு சிறப்பு அபிஷேகம் செய்யப்பட்டு புனித நீராடல் நடைபெற்றது. இதில், தமிழகத்தின் பல்வேறு மாவட்டங்களிலிருந்து வந்திருந்த நூற்றுக்கணக்கான பக்தா்கள் நீராடி மகிழ்ந்தனா். தொடா்ந்து, ஞாயிற்றுக்கிழமை இரவு சுவாமி வீதியுலா நடைபெற்றது. பின்னா் கொடி இறக்கும் நிகழ்ச்சியும், நவசந்தி விசா்ஜனமும் நடைபெற்றது. விழாவுக்கான ஏற்பாடுகளை கோயில் தக்காா் உதவி ஆணையா் ம. ரமேஷ், செயல் அலுவலா் ம. ஆறுமுகம், கோயில் பணியாளா்கள், சிவாச்சாரியாா்கள் மற்றும் ஸ்ரீவாஞ்சியம் கிராமமக்கள் சிறப்பாக செய்திருந்தனா்.

ADVERTISEMENT

 

 

ADVERTISEMENT

MORE FROM THE SECTION

ADVERTISEMENT