டேராடூன் மிலிட்டரி கல்லூரியில் சேர விண்ணப்பிக்கலாம்

டேராடூனில் உள்ள ராஷ்டிரீய இந்தியன் மிலிட்டரி கல்லூரியில் 8-ஆம் வகுப்பு சேர்வதற்கு செப்டம்பர் 30-ஆம் தேதிக்குள் விண்ணப்பிக்கலாம் என மாவட்ட ஆட்சியர் த. ஆனந்த் தெரிவித்துள்ளார். 
இதுகுறித்து அவர் வெளியிட்ட செய்திக்குறிப்பு:
டேராடூனில் உள்ள ராஷ்டிரீய இந்தியன் மிலிட்டரி கல்லூரியில், ஜூலை 2020-இல் 8 ஆம் வகுப்பு மாணவர் சேர்க்கைக்கு அறிவிப்பு வெளியிடப்பட்டுள்ளது. 
விண்ணப்பதாரர் 1.7.2020 அன்று பதினொன்றரை வயது நிரம்பியவராகவும், 13 வயதை அடையாதவராகவும் (2.1.2007-க்கு முன்னதாகவும் 1.1.2009-க்கு பின்னதாகவும் பிறந்திருக்கக்கூடாது) இருக்க வேண்டும். அதாவது 1.7.2020-இல் 7-ஆம் வகுப்பு படித்து கொண்டிருப்பவராகவோ அல்லது முடித்தவராகவோ உள்ள மாணவர்கள் இச்சேர்க்கைக்கு 
விண்ணப்பிக்கலாம்.
தகுதித் தேர்வுக்கான, விண்ணப்பம், தகவல் தொகுப்பு மற்றும் முந்தைய தேர்வுக்கான வினாத்தாள் தொகுப்பை பொதுப்பிரிவினர் ரூ. 600-க்கும், தாழ்த்தப்பட்ட மற்றும் பழங்குடி வகுப்பினர் ஜாதிச்சான்றுடன் ரூ. 555-க்கும்  T​HE CO​M​M​A​N​D​A​NT, RI​MC, DE​H​R​A​D​U​N எனும் பெயரில் எஸ்பிஐ வங்கி கிளையில் மாற்றத்தக்க வகையில் கேட்பு காசோலை பெற்று, T​HE CO​M​M​A​N​D​A​NT, RI​MC, DE​H​R​A​D​UN-248003, ‌u‌t‌t​a‌r​a‌k‌h​a‌n‌d ‌s‌t​a‌t‌e  என்ற முகவரிக்கு விரைவு அஞ்சல் வாயிலாக எழுத்து மூலம் விண்ணப்பித்து பெற்றுக்கொள்ளலாம். விண்ணப்பம் பெறப்பட்ட பின்னர் பூர்த்தி செய்த விண்ணப்பம் இரட்டை பிரதிகளில் தேர்வு கட்டுப்பாடு அலுவலர், தமிழ்நாடு அரசு பணியாளர் தேர்வாணையம், சென்னை-3 என்ற முகவரிக்கு செப்டம்பர் 30 ஆம் தேதிக்குள் அனுப்ப வேண்டும். கூடுதல் விபரங்களை, w‌w‌w.‌r‌i‌m​c.‌g‌o‌v.‌i‌n என்ற இணையதளம் மூலம் அறிந்து கொள்ளலாம் அல்லது மாவட்ட ஆட்சியர் அலுவலக இணைப்பு கட்டடத்தில் இயங்கும் முன்னாள் படைவீரர் நல உதவி இயக்குநர் அலுவலகத்தை நேரிலோ அல்லது தொலைபேசி மூலமாகவோ (04366 290080) தொடர்பு கொண்டு தெரிந்து கொள்ளலாம் எனத் தெரிவிக்கப்பட்டுள்ளது.