எல்லை தாண்டி மீன் பிடித்ததாக இலங்கை கடற்படையினரால் கைது செய்யப்பட்ட நாகை மீனவா்கள் 12 பேரை விடுதலை செய்து பருத்தித்துறை நீதிமன்றம் வெள்ளிக்கிழமை உத்தரவிட்டது.

நாகை மாவட்டம், அக்கரைப்பேட்டையைச் சோ்ந்த விஜயா என்பவருக்கு சொந்தமான விசைப்படகில் நாகை மீன்பிடித் துறைமுகத்தில் இருந்து கடந்த 7-ஆம் தேதி 12 மீனவா்கள் கடலுக்கு மீன்படிக்கச் சென்றனா்.

நெடுந்தீவு அருகே மீன்பிடித்து கொண்டிருந்த போது, அங்கு வந்த இலங்கை கடற்படையினா் எல்லை தாண்டி மீன்பிடித்ததாகக் கூறி அக்கரை பேட்டையைச் சோ்ந்த சாம்பசிவம் மகன் ரவி (40), ஆனந்தமணி (44), ராஜா (32), வீரையன் மகன் ரவி (48), மதிபாலன் (36), காத்தலிங்கம் (50), ராமமூா்த்தி (38), அன்பு (32), வேல்மயில் (48), கீச்சாங்குப்பத்தை சோ்ந்த ரகு (38), தினேஷ்(26), சித்திரவேல் (42) ஆகிய 12 பேரை கைது செய்து, விசைப்படகையும் பறிமுதல் செய்தனா்.

தொடா்ந்து, கைது செய்யப்பட்ட மீனவா்கள் பருத்தித்துறை நீதிமன்றத்தில் மாா்ச் 13- ஆம் தேதி ஆஜா்படுத்தப்பட்டனா். அவா்களை வெள்ளிக்கிழமை (மாா்ச் 17) வரை யாழ்ப்பாணம் சிறையில் அடைக்க நீதிபதி உத்தரவிட்டாா்.

இந்நிலையில், பருத்தித்துறை நீதிமன்றத்தில் மீனவா்கள் 12 பேரும் வெள்ளிக்கிழமை மீண்டும் ஆஜா்படுத்தப்பட்டனா். அப்போது மீண்டும் எல்லை தாண்டினால் கடுங்காவல் தண்டனை விதிக்கப்படும் என எச்சரித்த நீதிபதி, 12 பேரையும் விடுதலை செய்து உத்தரவிட்டாா். விசைப்படகு இலங்கை நாட்டின் உடைமையாக்கப்பட்டது.

மீனவா்கள் விடுதலை செய்யப்பட்டதைத் தொடா்ந்து அவா்கள், இந்திய தூதரக அதிகாரிகளிடம் ஒப்படைக்கப்பட்டு, சில நாட்களில் நாகை திரும்புவா்.