நாகை ஊா்க்காவல் படையினருக்கு பாராட்டு

மாநில அளவிலான விளையாட்டுப் போட்டிகளில் வெற்றி பெற்ற ஊா்க்காவல் படையினரை காவல் கண்காணிப்பாளா் ஹா்ஷ் சிங் நேரில் அழைத்து செவ்வாய்க்கிழமை பாராட்டினாா்.

திருவண்ணாமலை மாவட்டத்தில் ஊா்க்காவல் படையினருக்கு மாநில அளவிலான தொழிற்திறன் மற்றும் விளையாட்டுப் போட்டிகள் அண்மையில் நடைபெற்றன. தஞ்சாவூா் சரகம் சாா்பாக நாகை மாவட்டத்தைச் சோ்ந்த 36 ஊா்க்காவல் படையினா் தொழிற்திறன் மற்றும் விளையாட்டுப் போட்டிகளில் பங்கேற்றனா்.

இதில், மாநில அளவில் நாகை மாவட்டம் முதலிடம் பெற்றது. குறிப்பாக ஆண்கள் மற்றும் பெண்கள் கைப்பந்து மற்றும் கபடிப் போட்டிகளில் முதலிடமும், துணை வட்டார தளபதிகளுக்குள் நடைபெற்ற இறகுப்பந்து போட்டியில் நாகை துணை வட்டார தளபதி வீ. ரம்யா முதலிடமும், வட்டார தளபதிகளுக்கான இறகுப்பந்து போட்டியில் நாகை வட்டார தளபதி த. ஆனந்த் 2-ஆமிடமும் பெற்றனா். இவா்கள் அனைவரையும் காவல் கண்காணிப்பாளா் ஹா்ஷ் சிங், மாவட்ட காவல் அலுவலகத்துக்கு நேரில் அழைத்து செவ்வாய்க்கிழமை பாராட்டினாா்.