செம்பனாா்கோவில் ஊராட்சியில் கால்நடை மருத்துவமனை கட்ட அடிக்கல் நாட்டு விழா ஞாயிற்றுக்கிழமை நடைபெற்றது.

பூம்புகாா் எம்எல்ஏ நிவேதா எம். முருகன் தலைமை வகித்தாா். ஒன்றியக் குழுத் தலைவா் நந்தினி ஸ்ரீதா் முன்னிலை வகித்தாா். கால்நடை உதவி இயக்குநா் முத்துக்குமாா் வரவேற்றாா். அமைச்சா் சிவ. வீ. மெய்யநாதன் பங்கேற்று ரூ.48.35 லட்சத்தில் கட்டப்படவுள்ள கால்நடை மருத்துவமனை கட்டுமானப் பணியை அடிக்கல் நாட்டி தொடக்கி வைத்தாா்.

இதில், மண்டல திமுக தகவல் தொழில்நுட்ப அணி பொறுப்பாளா் பி.எம். ஸ்ரீதா், மாவட்டத் துணைச் செயலாளா் ஞானவேலன், ஒன்றியச் செயலாளா்கள் அன்பழகன், அப்துல் மாலிக், கால்நடை மருத்துவா்கள் அன்பரசன், மோனிஷா புகழ், பிரபாவதி உள்ளிட்ட பலா் கலந்து கொண்டனா்.