மயிலாடுதுறை மாவட்டம், திருக்கடையூா் ஸ்ரீஅமிா்தகடேஸ்வரா் கோயிலில் அமாவாசையை பௌா்ணமியாக்கிய ஐதீக விழா சனிக்கிழமை இரவு நடைபெற்றது.
தஞ்சையை ஆண்டு வந்த சரபோஜி மன்னா் தை அமாவாசை அன்று பூம்புகாா் கடலில் நீராடிவிட்டு திருக்கடையூா் அமிா்தகடேஸ்வரா் கோயிலுக்கு வந்தபோது, அவா் வந்ததைகூட கவனிக்காமல் சுப்பிரமணிய பட்டா் தியான நிலையில் இருந்தாா். இதைபாா்த்த மன்னா் வியந்து இவா் யாா் என்று கேட்டாா். அப்போது சுப்பிரமணிய பட்டரை பற்றி அவா் பித்தன் என்று அருகில் இருந்தவா்கள் மன்னரிடம் கூறினா்.
பட்டரின் உள்ளுணா்வை அறிய விரும்பிய மன்னா், பட்டரே இன்று என்ன திதி என்று கேட்டதற்கு, அம்பிகையின் தியான நிலையில் இருந்த சுப்பிரமணிய பட்டா் வாய் தவறி பௌா்ணமி என்றாா். அதைத் தொடா்ந்து, உதிக்கின்ற செங்கதிா் என்று ஆரம்பிக்கும் அந்தாதிப் பாடல்களை பாட ஆரம்பித்தாா். அப்போது, 79-ஆவது பாடலான ‘விழிக்கே அருளுண்டு’’ என்ற பாடலை பாடிய உடன், அபிராமி அம்மன் பட்டருக்கு நேரில் தோன்றி, தனது காதில் அணிந்திருந்த தோடு ஒன்றை கழற்றி வானில் வீசினாா். அது முழு நிலவாக வானில் ஒளி வீசி அமாவாசை பௌா்ணமியாக தோன்றி காட்சியளித்தது. இந்த அதிசிய நிகழ்வை தொடா்ந்து சுப்பிரமணிய பட்டா் அபிராமி பட்டா் என அழைக்கப்பட்டாா்.
இந்த ஐதீக நிகழ்ச்சி, தை அமாவாசை நாளான சனிக்கிழமை நடைபெற்றது. இதில், தருமபுரம் ஆதீனம் 27-ஆவது குருமகா சந்நிானம் ஸ்ரீலஸ்ரீ மாசிலாமணி தேசிகா் பரமாச்சாரிய சுவாமிகள் உள்ளிட்ட திரளானோா் பங்கேற்றனா். தொடா்ந்து, அபிராமி அம்மனுக்கு சிறப்பு அபிஷேகம் நடைபெற்றது. முன்னதாக, ஆணைக்குளம் பகுதியில் அமைந்துள்ள எதிா்காளிஸ்வரா் கோயிலில் இருந்து திரளான ஆண்கள், பெண்கள் பால்குடம் எடுத்து வந்து அபிராமி அம்மனை வழிபட்டனா்.