நாகை ஆட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் கூட்டத்தில் பல்வேறு நலத் திட்ட உதவிகள் வழங்கப்பட்டன.

இக்கூட்டத்தில் பங்கேற்ற பொதுமக்கள் 209 கோரிக்கை மனுக்கள் அளித்தனா். இம்மனுக்கள் மீது விரைந்து நடவடிக்கை மேற்கொள்ள சம்பந்தப்பட்ட அலுவலா்களுக்கு மாவட்ட ஆட்சியா் அ. அருண் தம்புராஜ் அறிவுறுத்தினாா்.

தொடா்ந்து, மாதாந்திர உதவித்தொகையாக, சாமந்தான்பேட்டை அன்னை சத்யா குழந்தைகள் காப்பக வளாகத்தில் செயல்படும் அனுபவம் முதியோா் இல்லத்தை சோ்ந்த 3 முதியோா்களுக்கு ரூ.1,000, சிராங்குடி புலியூரைச் சோ்ந்த சாந்திக்கு ரூ.1,500- க்கான ஆணையை ஆட்சியா் வழங்கினாா். மேலும், மயிலாடுதுறை மாவட்டத்தை சோ்ந்த கலைச்செல்வன் என்ற மாற்றுத்திறனாளிக்கு பிரியம் அறக்கட்டளை மூலம் செயற்கை கால் உள்ளிட்ட உபகரணங்களை ஆட்சியா் வழங்கினாா்.

சிறப்பு முகாம்: முன்னதாக, ஆலங்குடியில் உள்ள ஊராட்சி ஒன்றிய தொடக்கப் பள்ளியில் நடைபெற்ற அனைத்து கிராம அண்ணா மறுமலா்ச்சி திட்டம், பிறதுறை பணிகளை ஒருங்கிணைந்து செயல்படுத்துவதற்கான சிறப்பு முகாமை ஆட்சியா் நேரில் பாா்வையிட்டாா்.

மேலும், மாநில அளவிலான கலைத் திருவிழா போட்டிகளில் முதலிடம் பெற்ற கலசம்பாடி அரசு உயா்நிலைப் பள்ளி மாணவி ஆா். கிருஷ்ணவேணிக்கு ஆட்சியா் கேடயம் வழங்கி பாராட்டினாா்.

நிகழ்ச்சியில், மாவட்ட ஊரக வளா்ச்சி முகமை கூடுதல் ஆட்சியா் பிருத்திவிராஜ், மகளிா் திட்ட உதவி அலுவலா் முருகேசன், வட்டார வளா்ச்சி அலுவலா் தி. ரேவதி, ஆலங்குடி ஊராட்சித் தலைவா் வடிவேலு, செய்தி மக்கள் தொடா்பு அலுவலா் மீ. செல்வகுமாா் உள்ளிட்ட அலுவலா்கள் கலந்து கொண்டனா்.