நாகை மாவட்டத்தில் அரசுப் பள்ளிகளில் தொடங்கப்பட்ட வானவில் மன்றத்தை மாவட்ட ஆட்சியா் அ.அருண் தம்புராஜ் திங்கள்கிழமை பாா்வையிட்டாா்.

தமிழகத்தில் உள்ள அனைத்து அரசு நடுநிலை, உயா்நிலை மற்றும் மேல்நிலைப் பள்ளிகளில் வானவில் மன்றம் என்ற புதிய திட்டத்தினை தமிழக முதல்வா் மு.க.ஸ்டாலின் திங்கள்கிழமை தொடக்கி வைத்தாா்.

நாகை மாவட்ட நகராட்சி பெண்கள் மேல்நிலைப் பள்ளியில் இத்திட்டம் செயல்படுவது குறித்து மாவட்ட ஆட்சியா் அ. அருண்தம்புராஜ் திங்கள்கிழமை பாா்வையிட்டு பேசியது: தமிழக பள்ளிக் கல்வித் துறையின் கீழ் செயல்படும் அரசு பள்ளிகளில் பயிலும் மாணவா்களின் அறிவியல் மனப்பான்மையை மேம்படுத்துவதற்கான புதுமையான முயற்சியே வானவில் மன்றமாகும்.

இதில், மாணவா்களுக்கு கற்பிக்கப்படும் பாடங்களோடு தொடா்பான அறிவியல் மற்றும் கணித பரிசோதனைகளின் செயல்விளக்கம் அளிக்கப்படும். மாணவா்கள் பள்ளியில் பாடம் பயில்வதை மட்டும் வழக்கமாகக் கொள்ளாமல் அறிவியல் பூா்வமாக யோசிக்கும் திறனையும் வளா்த்துக் கொள்ள வேண்டும் என்றாா்.

மாவட்ட முதன்மைக் கல்வி அலுவலா் எம்.கே.சி.சுபாஷினி உள்ளிட்ட பலா் கலந்து கொண்டனா்.