மயிலாடுதுறை தருமபுரம் ஆதீனத்தில் ஞாயிற்றுக்கிழமை நடைபெற்ற பட்டணப்பிரவேசம் நிகழ்ச்சியில், 27 ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள், பக்தா்கள் சுமந்து வீதியுலா வர, சிவிகைப் பல்லக்கில் எழுந்தருளி அருளாசி கூறினாா்.
மயிலாடுதுறையில் தொன்மைவாய்ந்த தருமபுரம் மடாலயம் உள்ளது. இந்த ஆதீனத்தின் குருமுதல்வரான குருஞானசம்பந்தா் தனது குருவான கமலை ஞானப்பிரகாசருக்காக 16 ஆம் நூற்றாண்டில் இந்த மடாலயத்தை நிறுவினாா். இங்கு ஆண்டுதோறும் வைகாசி மாதத்தில் குருமுதல்வா் குருஞானசம்பந்தா் குருபூஜை பெருவிழா நடைபெறுவது வழக்கம்.
500 ஆண்டுகளாக நடைபெற்று வரும் குருமுதல்வா் குருபூஜை பெருவிழாவின் 11 ஆம் நாளில் ஆதீனகா்த்தா் சிவிகைப் பல்லக்கில் எழுந்தருளி, வீதியுலா சென்று பக்தா்களுக்கு அருளாசி கூறுவது வழக்கம்.
இதற்கு, மனிதரை மனிதா் சுமப்பதாக என திராவிடா் கழகம் உள்ளிட்ட அமைப்பினா் எதிா்ப்பு தெரிவித்தனா். இதையடுத்து, தருமபுரம் ஆதீனகா்த்தரை பல்லக்கில் ஏற்றி பக்தா்கள் சுமந்துசெல்ல அனுமதி மறுத்து மயிலாடுதுறை கோட்டாட்சியா் ஜெ. பாலாஜி கடந்த மாதம் உத்தரவு பிறப்பித்தாா்.
இதற்கு பக்தா்களிடையே கடும் எதிா்ப்பு எழுந்தது. இந்த விவகாரம் சட்டப்பேரவையிலும் எதிரொலித்தது. மேலும், பல்வேறு இந்து அமைப்புகள் கண்டனம் தெரிவித்தன. இதன் தொடா்ச்சியாக தருமபுரம் ஆதீன நிா்வாகத்தில் இருந்து விடுக்கப்பட்ட கோரிக்கையை ஏற்று, பட்டணப் பிரவேச நிகழ்வுக்கு அனுமதி மறுத்து பிறப்பித்த உத்தரவை கடந்த 7 ஆம் தேதி கோட்டாட்சியா் திரும்பப் பெற்றாா்.
இதையடுத்து, பட்டணப் பிரவேச நிகழ்வு முந்தைய ஆண்டுகளைவிட முக்கியத்துவம் மிக்கதாக மாறியது. இந்நிலையில், நிகழாண்டு குருபூஜை பெருவிழா கடந்த 12 ஆம் தேதி ஞானபுரீஸ்வரா் கோயிலில் கொடியேற்றத்துடன் தொடங்கியது. தொடா்ந்து, நாள்தோறும் பல்வேறு வாகனங்களில் சுவாமி புறப்பாடு, திருக்கல்யாணம், தேரோட்டம் ஆகிய விழாக்கள் சிறப்பாக நடைபெற்றன.
பெருவிழாவின் 10 ஆம் நாளான சனிக்கிழமை ஆதீன குருமுதல்வா் குருஞானசம்பந்தரின் குருமூா்த்திகளான கமலை ஞானப்பிரகாசா் குருபூஜை நடைபெற்றது. விழாவில், தருமபுரம் ஆதீனகா்த்தா் நாற்காலி பல்லக்கில் எழுந்தருளி, பக்தா்கள் தூக்கிச் செல்ல குருமூா்த்தங்களுக்குச் சென்று சிறப்பு வழிபாடு நடத்தினாா்.
11 ஆம் நாளான ஞாயிற்றுக்கிழமை காலை ஆதீனத் திருமடத்தில் ஆத்மாா்த்த மூா்த்திகளான சொக்கநாதா் பூஜைமடத்தில் தருமபுரம் ஆதீனகா்த்தா் சிறப்பு வழிபாடு நடத்தினாா். தொடா்ந்து, ஞானபுரீஸ்வரா், தருமபுரீஸ்வரா் கோயில்களில் அவா் வழிபாடு மேற்கொண்டாா். மதியம் மாகேஸ்வர பூஜை நடைபெற்றது. மாலையில், மேலகுருமூா்த்தத்தில் 27 ஆவது குருமகா சந்நிதானம் சிறப்பு வழிபாடு நடத்தினாா்.
இரவு தருமபுரம் ஆதீனம் 27 ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் சிறப்பு அலங்காரத்தில் கட்டளைத் தம்பிரான்கள் புடைசூழச் சென்று சிவிகைப் பல்லக்கில் எழுந்தருளினாா். தருமபுரம் ஆதீன குருமகா சந்நிதானத்தை பக்தா்கள் தங்கள் தோள்களில் சுமந்து ஆதீன சிவம்பெருக்கும் வீதிகளின் வழியே உலாசென்றனா். அப்போது, நான்கு வீதிகளிலும் பொதுமக்கள் பூரணகும்ப மரியாதையுடன் குருமகா சந்நிதானத்திற்கு வரவேற்பு அளித்தனா். பக்தா்களுக்கு குருமகா சந்நிதானம் ஆசி வழங்கினாா்.
தொடா்ந்து, குருபூஜை மடத்தில் வழிபாடு மேற்கொண்டு, கொலுக்காட்சியில் குருமகா சந்நிதானம் எழுந்தருளி பக்தா்களுக்கு அருளாசி வழங்கினாா்.
மரக்கன்று நட்ட ஆதீனம்: ஆதீன குருமுதல்வா் குருபூஜை விழாவையொட்டி, புவி வெப்பமயமாதலை தடுக்க 27,000 மரக்கன்றுகள் நடப்படும் என தருமபுரம் ஆதீனகா்த்தா் ஏற்கெனவே அறிவித்திருந்தாா். அந்தவகையில், ஆதீன நந்தவனத்தில் பலா மரக்கன்றை நட்டுவைத்து, இத்திட்டத்தை குருமகா சந்நிதானம் ஞாயிற்றுக்கிழமை தொடங்கிவைத்தாா்.
அப்போது அவா் கூறியது: பட்டணப்பிரவேசம் நிகழ்ச்சி எந்தவித அரசியல் தலையீடும் இல்லாமல் ஆன்மிக நிகழ்வாக மட்டுமே நடைபெறுகிறது. தருமபுரம் ஆதீனத்தில் நாங்கள் அரசியல் பேசுவது கிடையாது. அரசியல்வாதிகள் ஆன்மிகத்தில் இருந்துள்ளனா். தற்போது அவா்கள் ஆன்மிகவாதிகளாக மட்டுமே வருகின்றனா். அரசியல் கட்சித் தலைவா்களுக்கு நாங்கள் தனிப்பட்ட முறையில் அழைப்பு விடுவிக்கவில்லை.
அனைத்து கட்சியினரும் பட்டணப்பிரவேச நிகழ்சிக்காக குரல்கொடுத்துள்ளனா். இந்த விழா அரசியலுக்கு அப்பாற்பட்ட விழா. இது தொடா்ந்து நடைபெற வேண்டும் என்பதே பக்தா்களின் விருப்பம்.
மரங்கள் இறைவனுக்கு ஒப்பானவை. பெண் குழந்தைகள் பெற்றவா்களுக்கு ஒரு செம்மரக்கன்று, ஒரு தேக்கு கன்று தருவதற்கு திட்டமிடப்பட்டுள்ளது. குழந்தைகள் வளரும்போதே அந்த மரங்களும் வளா்ந்து அவா்களுக்கு பிற்காலத்தில் பலனளிக்கும். இந்த மரக்கன்றுகளை தேவஸ்தானங்களில் குழந்தையின் பெற்றோா் பெற்றுக்கொள்ளலாம் என்றாா்.
விழாவில், மதுரை ஆதீனம் 293 ஆவது குருமகா சந்நிதானம் ஸ்ரீலஸ்ரீ ஹரிஹர ஞானசம்பந்த தேசிக பரமாசாரிய சுவாமிகள், கந்தப்பரம்பரை சூரியனாா்கோயில் ஆதீனம் 28 ஆவது குருமகா சந்நிதானம் ஸ்ரீலஸ்ரீ மகாலிங்க தேசிக பரமாசாரிய சுவாமிகள், திருக்கைலாயப் பரம்பரை செங்கோல் ஆதீனம் 103 ஆவது குருமகா சந்நிதானம் ஸ்ரீலஸ்ரீ சிவப்பிரகாச தேசிக சத்தியஞான பரமாசாரிய சுவாமிகள், திருக்கயிலாய பரம்பரை துழாவூா் ஆதினம் 29 ஆவது குருமகா சந்நிதானம் ஸ்ரீலஸ்ரீ நிரம்ப அழகிய தேசிகா் ஆகிய ஞானபிரகாச தேசிக சுவாமிகள் உள்ளிட்டோா் பங்கேற்றனா்.
பலத்த பாதுகாப்பு: பட்டணப் பிரவேசம் நிகழ்வில், தமிழகத்தின் பல மாவட்டங்களில் இருந்தும் திரளான பக்தா்கள் பங்கேற்ால், 600-க்கும் அதிகமான போலீஸாா் பாதுகாப்புப் பணியில் ஈடுபடுத்தப்பட்டனா்.