ஊரக வேலை உறுத்திட்ட பணி நாள்களை அதிகரிக்கக் கோரி, நாகை மாவட்டத்தில் அகில இந்திய விவசாயத் தொழிலாளா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

தமிழக அரசு தோ்தலின்போது அளித்த வாக்குறுதிபடி, ஊரக வேலை உறுதித் திட்ட நாள்களை 150 நாள்களாக அதிகரிப்பதுடன், தினக்கூலியை ரூ. 381-ஆக உயா்த்த வேண்டும்; வேலை அட்டைப் பெற்றுள்ள அனைத்து குடும்பங்களுக்கும் முழுமையாக வேலை அளிக்கவேண்டும்; தாலிக்குத் தங்கம் வழங்கும் திட்டத்தை தொடா்ந்து செயல்படுத்த வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

நாகை ஊராட்சி ஒன்றிய அலுவலகம் முன் நடைபெற்ற ஆா்ப்பாட்டத்துக்கு, சங்கத்தின் நாகை தெற்கு ஒன்றியச் செயலாளா் கே. செந்தில்குமாா் தலைமை வகித்தாா். விவசாயத் தொழிலாளா் சங்க நாகை மாவட்டச் செயலாளா் எம். முருகையன், ஒன்றியத் தலைவா்கள் கே.ஜோதிபாசு, வி. ராதா, தமிழ்நாடு விவசாய சங்க ஒன்றிய பொருளாளா் என்.வடிவேல் ஆகியோா் கோரிக்கைகளை வலியுறுத்திப் பேசினா்.

இதேபோல, கீழ்வேளூா் ஊராட்சி ஒன்றிய அலுவலகம் முன் அகில இந்திய விவசாயத் தொழிலாளா் சங்க கீழ்வேளூா் ஒன்றியச் செயலாளா் துரைராஜ் தலைமையில் நடைபெற்ற ஆா்ப்பாட்டத்தில், கீழ்வேளூா் எம்எல்ஏ வி.பி. நாகை மாலி உள்ளிட்டோா் பங்கேற்றனா்.

வேதாரண்யம்: வேதாரண்யம் வட்டார வளா்ச்சி அலுவலகம் முன் அகில இந்திய விவசாயத் தொழிலாளா் சங்க ஒன்றியச் செயலாளா் வி.இளையபெருமாள் தலைமையில் நடைபெற்ற ஆா்ப்பாட்டத்தில், வடக்கு ஒன்றியச் செயலாளா் எஸ். அம்பிகாபதி, ஒன்றியத் தலைவா்கள் கல்யாணசுந்தரம், பாலசுப்ரமணியன் உள்ளிட்டோா் பங்கேற்றனா்.

முன்னதாக, வட்டார வளா்ச்சி அலுவலக வளாகத்துக்குள் செல்ல போராட்டக்காரா்களுக்கு காவல்துறையினா் அனுமதி மறுத்ததால் வாக்குவாதம் ஏற்பட்டது. டிஎஸ்பி க. முருகவேல், பேச்சுவாா்த்தை நடத்தி, அலுவலக வளாகத்துக்கு வெளியே ஆா்ப்பாட்டம் நடத்த அறிவுறுத்தினாா்.

இதேபோல, தலைஞாயிறு ஊராட்சி ஒன்றிய அலுவலகம் முன் ஒன்றியச் செயலாளா் கே. அலெக்சாண்டா் தலைமையில் நடைபெற்ற ஆா்ப்பாட்டத்தில் சங்கத்தின் மாவட்டத் தலைவா் ஏ.வேணு, ஒன்றியச் செயலாளா் ஏ.ராஜா உள்ளிட்டோா் பங்கேற்றனா்.