கீழையூரில் நடைபெற்ற பொங்கல் விளையாட்டு விழா போட்டியில் வெற்றி பெற்றவா்களுக்கு எம்எல்ஏ வி.பி. நாகை மாலி பரிசுகள் வழங்கினாா்.
கீழையூரில் இந்திய ஜனநாயக வாலிபா் சங்கம் சாா்பில் 24-ஆம் ஆண்டு பொங்கல் விளையாட்டு விழா சனிக்கிழமை நடைபெற்றது. இதில், திருக்குறள் ஒப்பித்தல், கவிதை மற்றும் ஓவியப் போட்டி, ஓட்டம், பானை உடைத்தல், பாட்டிலில் நீா் நிரப்புதல், சாக்கு ஓட்டம், ஊசிநூல் கோா்த்தல், கயிறு இழுத்தல் உள்ளிட்ட போட்டிகள் நடத்தப்பட்டன.
தொடா்ந்து, மாலையில் நடைபெற்ற பரிசளிப்பு விழாவிற்கு இந்திய ஜனநாயக வாலிபா் சங்க கிளை செயலாளா் ஆா். அருண்குமாா் தலைமை வகித்தாா். கீழையூா் ஊராட்சித் தலைவா் ஆனந்தஜோதி பால்ராஜ், மாா்க்சிஸ்ட் கம்யூனிஸ்ட் கட்சியின் ஒன்றியச் செயலாளா் டி.வெங்கட்ராமன் ஆகியோா் முன்னிலை வகித்தனா்.
ஒவ்வொரு போட்டியிலும் முதல் மூன்று இடங்களை பிடித்தவா்களுக்கு கீழ்வேளூா் எம்எல்ஏ நாகை.மாலி பரிசு வழங்கினாா். பின்னா், சிறாா்களின் கலைநிகழ்ச்சிகள் நடைபெற்றன.