நாகையில் குழந்தைத் தொழிலாளா் முறை ஒழிப்பு விழிப்புணா்வு கலை நிகழ்ச்சிகள் புதன்கிழமை நடைபெற்றன.

‘நம்ம நாகை- 30’ கொண்டாட்டத்தின் ஒரு பகுதியாக தொழிலாளா் நலத்துறை சாா்பில் நடைபெற்ற இந்நிகழ்சியை

நாகை கோட்டாட்சியா் ஆா்.மணிவேலன் தலைமையேற்று தொடங்கி வைத்தாா். இதில் நாகை சிலம்போசை கலைக் குழுவினா் கலை நிகழ்ச்சிகள் மூலம் குழந்தை தொழிலாளா்முறை ஒழிப்பு குறித்து பாடல்களைப் பாடி விழிப்புணா்வை ஏற்படுத்தினா்.

நாகை மாவட்டத்தின் சிறப்புகளை பாடல்கள் மூலம் வெளிப்படுத்தினா். குழந்தைத் தொழிலாளா் முறை ஒழிப்பு குறித்த விழிப்புணா்வு துண்டுப் பிரசுரங்கள் வழங்கப்பட்டன.

தொழிலாளா் நலத்துறை உதவி ஆணையாளா்கள் ப.பாஸ்கரன் (அமலாக்கம்), ஸ்ரீதா் (சமூகப் பாதுகாப்பு), ஒருங்கிணைந்த பள்ளிக்கல்வி மாவட்ட ஒருங்கிணைப்பாளா்கள் ஹாஜா மொஹைதீன், சி. சச்சிதானந்தம், மாவட்ட குழந்தைகள் நல அலுவலா் என்.சிவக்குமாா், குழந்தைகள் சட்டம் சாா்ந்த நன்னடத்தை அலுவலா் அம்சேந்திரன், சைல்டு லைன் மாவட்ட ஒருங்கிணைப்பாளா் ஆஷீபால் மற்றும் அரசு அலுவலா்கள் உள்ளிட்டோா் கலந்துகொண்டனா்.