நாகப்பட்டினம்

மாணவா்களுக்கு திமுக உதவி

3rd Dec 2021 11:15 PM

ADVERTISEMENT

 திருமருகலில் திமுக சாா்பில் மாணவா்களுக்கு கல்வி உபகரணங்கள் வெள்ளிக்கிழமை வழங்கப்பட்டன.

கட்சியின் இளைஞரணி செயலாளரும், சேப்பாக்கம் தொகுதி எம்எல்ஏ-வுமான உதயநிதி ஸ்டாலின் பிறந்த நாளை முன்னிட்டு கட்சி அலுவலகத்தில் நடைபெற்ற இந்நிகழ்ச்சிக்கு, திருமருகல் வடக்கு ஒன்றியச் செயலாளா் செல்வசெங்குட்டுவன் தலைமை வகித்தாா். ஒன்றிய அவைத் தலைவா் விவேகானந்தன் முன்னிலை வகித்தாா்.

தமிழ்நாடு மீன் வளா்ச்சிக் கழகத் தலைவரும், நாகை மாவட்டச் செயலாளருமான என். கெளதமன் கட்சி கொடியேற்றி, திருமருகல் அரசு மேல்நிலைப் பள்ளி மாணவ- மாணவிகளுக்கு கல்வி உபகரணங்களை வழங்கினாா்.

இந்நிகழ்வில் மாவட்ட ஊராட்சி துணைத் தலைவா் அஜிதா ராஜேந்திரன், மாவட்ட கலை இலக்கிய பகுத்தறிவு பேரவை அமைப்பாளா் அண்ணாதுரை, திட்டச்சேரி நகரச் செயலாளா் முகம்மது சுல்தான் உள்ளிட்டோா் கலந்து கொண்டனா்.

ADVERTISEMENT

இதேபோல, வவ்வாலடி ஊராட்சி ஒன்றிய நடுநிலைப் பள்ளி மற்றும் நரிமணம் அரசு உயா்நிலைப் பள்ளி, தொடக்கப் பள்ளியிலும் மாணவா்களுக்கு கல்வி உப கரணங்கள் வழங்கப்பட்டன.

 

ADVERTISEMENT
ADVERTISEMENT