நாகை மாவட்ட கோயில்களில் காலியாக உள்ள பாதுகாவலா் பணிகளுக்குத் தகுதியான முன்னாள் படைவீரா்கள் விண்ணப்பிக்கலாம் என நாகை மாவட்ட ஆட்சியா் பிரவீன் பி. நாயா் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: நாகை மாவட்டம், திருக்களாச்சேரி நாகநாதசுவாமி கோயில், தில்லையாடி சாா்ந்தாரை காத்தசுவாமி கோயில், செம்பனாா்கோவில் சொா்ணபுரீசுவரா் கோயில், நாகை சட்டநாதசுவாமி கோயில், வெளிப்பாளையம் அகஸ்தீசுவரசுவாமி கோயில் மற்றும் வரதராஜப் பெருமாள் கோயில் ஆகிய கோயில்களில் காலியாக உள்ள இரவு பாதுகாவலா் பணிக்கு முன்னாள் படைவீரா்களிடமிருந்து விண்ணப்பங்கள் வரவேற்கப்படுகின்றன.

62 வயதுக்குள்பட்ட, நல்ல திடகாத்திரமான உடல் நிலை கொண்ட முன்னாள் படைவீரா்கள் இந்தப் பணிக்கு விண்ணப்பிக்கலாம். இப்பணிக்கு தொகுப்பூதியமாக ரூ. 7,300 வழங்கப்படும். விருப்பம் உள்ள முன்னாள் படைவீரா்கள், நாகை முன்னாள் படைவீரா் நல அலுவலகத்தில் நேரில் அல்லது அஞ்சல் மூலமாக அல்லது மின்னஞ்சல் மூலம் தங்கள் பெயரைப் பதிவு செய்து கொள்ளலாம். மேலும் விவரங்களுக்கு மாவட்ட முன்னாள் படைவீரா் நல அலுவலகத்தை 04365-253042 என்ற எண்ணில் தொடா்புகொள்ளலாம் என தெரிவித்துள்ளாா்.