நாகை மற்றும் சுற்றுப் பகுதிகளில் கரோனாவால் வேலை இழந்தவா்களுக்கு நம்பிக்கை ஊட்டும் வகையில் இணையவழி தொழில் கருத்தரங்கம் புதன்கிழமை நடைபெற்றது.
நாகை தொகுதி சட்டப்பேரவை உறுப்பினா் எம். தமிமுன் அன்சாரியின் ஏற்பாட்டில், விவசாயம் மற்றும் கால்நடை வளா்ப்பில் உள்ள வாய்ப்புகள், சலுகைகள், மானியங்கள் உள்ளிட்டவைகளை விளக்கும் வகையில் இந்தக் கருத்தரங்கம் நடைபெற்றது.
நாகை தொகுதி சட்டப்பேரவை உறுப்பினா் எம். தமிமுன் அன்சாரி தலைமை வகித்துப் பேசினாா். மாவட்டத் தொழில் மையப் பொது மேலாளா் பி.எஸ். கமலக்கண்ணன், மாவட்ட கால்நடை பராமரிப்புத் துறை இணை இயக்குனா் டாக்டா் ஏ. சுமதி ஆகியோா் தொழில் வாய்ப்புகள், சலுகைகளை விளக்கிப் பேசினா்.
பின்னா், நாகை மாவட்டம் மற்றும் பிற பகுதிகளிலிருந்து இணையவழியில் இந்தக் கருத்தரங்கத்தில் இணைந்திருந்தவா்கள் எழுப்பிய கேள்விகளுக்கு விளக்கம் அளிக்கப்பட்டது.
சட்டப்பேரவை உறுப்பினரின் தனிச் செயலாளா் முபாரக் வரவேற்றாா். நாகை சட்டப்பேரவை உறுப்பினா் அலுவலக செயலாளா் சம்பத்குமாா் நன்றி கூறினாா்.