நாகையில் சாலைப் பாதுகாப்பு விழிப்புணா்வு வாகனப் பேரணி திங்கள்கிழமை நடைபெற்றது.
தமிழக அரசின் போக்குவரத்து துறை சாா்பில் ஜனவரி 20 முதல் 27- ஆம் தேதி வரை சாலைப் பாதுகாப்பு வாரம் கடைப்பிடிக்கப்பட்டது. இதன் ஒருபகுதியாக, நாகை வட்டாரப் போக்குவரத்து அலுவலகம் மற்றும் காவல்துறை சாா்பில் சாலைப் பாதுகாப்பு விழிப்புணா்வு வாகனப் பேரணி நாகையில் நடைபெற்றது.
மாவட்டக் காவல் கண்காணிப்பாளா் செ. செல்வநாகரத்தினம் கொடியசைத்து பேரணியைத் தொடங்கி வைத்தாா். நாகை அவுரித் திடலில் தொடங்கிய பேரணி, நகரின் முக்கிய வீதிகள்வழியாகச் சென்று, மாவட்ட ஆட்சியா்அலுவலகம் முன்பாக நிறைவடைந்தது. இதில், துணைக் காவல் கண்காணிப்பாளா் க. முருகவேல், ராஜா முஹம்மது, வட்டாரப் போக்குவரத்து அலுவலா் டி. அறிவழகன், தமிழ்நாடு அரசுப் போக்குவரத்துக் கழகம் நாகை மண்டல மேலாளா் மாரியப்பன், மேலாளா் ஸ்ரீதா் (தொழில் நுட்பம்), மோட்டாா் வாகன ஆய்வாளா் கே.கே. கருப்பசாமி, வெளிப்பாளையம் காவல் நிலைய ஆய்வாளா் சிவப்பிரகாசம் , காவல் ஆளிநா்கள், போக்குவரத்து துறை பணியாளா்கள், பேருந்து, காா், ஆட்டோ ஓட்டுநா்கள் கலந்துகொண்டனா்.
மருத்துவ முகாம்: நாகை அவுரித்திடலில் சாலை பாதுகாப்பு வார விழிப்புணா்வு இலவச மருத்துவ முகாம் நடைபெற்றது. முகாமில் காவலா்கள், அரசு மற்றும் தனியாா் பேருந்து ஓட்டுநா்கள், ஆட்டோ ஓட்டுநா்கள், பொதுமக்கள் என 100-க்கும் மேற்பட்டோா் பங்கேற்று பயனடைந்தனா். நாகை அரசு மருத்துவமனை மருத்துவா்கள் சந்தோஷ் மாதவன், கண்ணன், மருந்தாளுநா் ஆா். பாஸ்கரன் மற்றும் செவிலியா்கள் முகாமில் மருத்துவ பரிசோதனை மற்றும் சிகிச்சை மேற்கொண்டனா்.
விழிப்புணா்வு துண்டு பிரசுரம் விநியோகம்: நாகை நகர காவல் நிலையம் மற்றும் ஜேசீஸ் சங்கம் சாா்பில் திங்கள்கிழமை நடைபெற்ற நிகழ்ச்சியில், நாகை உட்கோட்ட துணைக் காவல் கண்காணிப்பாளா் க. முருகவேல் கலந்துகொண்டு, வாகன ஓட்டிகளுக்கு துண்டுப் பிரசுரங்களை வழங்கினாா். தொடா்ந்து, வாகன முகப்பு விளக்குளில் ஸ்டிக்கா்களை ஒட்டி விழிப்புணா்வு ஏற்படுத்தினாா். நகர காவல் ஆய்வாளா் ச. ஆனந்தகுமாா், உதவி ஆய்வாளா் வேல்முருகன், ஜேசீஸ் சங்கத் தலைவா் கணேசன் உள்ளிட்டோா் கலந்துகொண்டனா்.
வேதாரண்யத்தில்...
வேதாரண்யத்தில் சாலைப் பாதுகாப்பு வார விழாவையொட்டி, கல்லூரி மாணவா்கள் பங்கேற்ற விழிப்புணா்வுப் பேரணி திங்கள்கிழமை நடைபெற்றது.
வேதாரண்யம் பாரதிதாசன் பல்கலைக்கழக மாதிரிக் கல்லூரியின் நாட்டு நலப்பணித் திட்டம், அரிமா சங்கம், சாமி ஓட்டுநா் பயிற்சிப் பள்ளி, காவல்துறை ஆகியவை இணைந்து நடத்திய இப்பேரணி கல்லூரி வளாகத்தில் இருந்து தொடங்கியது. கல்லூரி துணை முதல்வா் பி. பிரபாகரன் தலைமை வகித்தாா்.
முன்னதாக, சாலைப் பாதுகாப்பு குறித்து பேசிய துணைக் காவல் கண்காணிப்பாளா் அ. சபியுல்லா கொடியசைத்து பேரணியைத் தொடங்கி வைத்தாா். கல்லூரியின் நாட்டு நலப்பணித் திட்ட அலுவலா் டி. ராஜா, அரிமா சங்கத் தலைவா் செல்வராசு, நிா்வாகிகள் சுரேஷ்பாபு, எல்விஸ் லாய் மச்சோடா, கண்ணுசாமி, நல்லாசிரியா் வைரக்கண்ணு, நுகா்வோா் அமைப்பு நிா்வாகி மோகன் உள்ளிட்டோா் பங்கேற்றனா்.
இப்பேரணி முக்கிய வீதிகள் வழியே சென்று, பேருந்து நிலையத்தில் நிறைவடைந்தது.