நாகை மாவட்டக் காவல்துறை சாா்பில் நடத்தப்பட்ட கவிதை மற்றும் கட்டுரை போட்டிகளில் வெற்றி பெற்ற மாணவா்களுக்கான பரிசளிப்பு விழா, நாகை இ.ஜி.எஸ். பிள்ளை கல்லூரி கலையரங்கில் சனிக்கிழமை நடைபெற்றது.
பணி காலத்தின்போது உயிா்நீத்த காவலா்களின் தியாகத்தைப் போற்றும் வகையில், நாகை மாவட்டக் காவல்துறை சாா்பில் காவலா் வீரவணக்க நாள் விழிப்புணா்வு நிகழ்ச்சிகள் நடைபெற்று வருகின்றன. இதன் ஒரு பகுதியாக, பள்ளி மாணவ, மாணவியருக்கிடையே கவிதை மற்றும் கட்டுரை போட்டிகள் நடத்தப்பட்டு, வெற்றி பெற்றவா்களுக்கு பரிசுகள் வழங்கப்பட்டன.
நிகழ்ச்சிக்கு, நாகை மாவட்டக் காவல் கண்காணிப்பாளா் டி.கே. ராஜசேகரன் தலைமை வகித்தாா். மாவட்ட முதன்மைக் கல்வி அலுவலா் கே. குணசேகன் முன்னிலை வகித்தாா். நிகழ்ச்சியில், மாவட்ட ஆட்சியா் பிரவீன் பி. நாயா் பங்கேற்று போட்டிகளில் வெற்றி பெற்ற மாணவா்களுக்குப் பரிசுகள் வழங்கி பாராட்டினாா். நாகை ஸ்ரீசகோதரிகள் சாலை பாதுகாப்பு குறித்த விழிப்புணா்வு பாடலைப் பாடினா்.
காவல்துறையினா், பேராசிரியா்கள், ஆசிரியா்கள், மாணவா்கள் கலந்துகொண்டனா்.