பல்நோக்கு மருத்துவமனை பணியாளா்களுக்குப் பொங்கல் கருணைத் தொகை வழங்கக் கோரிக்கை

பல்நோக்கு மருத்துவமனை பணியாளா்களுக்கு பொங்கல் கருணைத் தொகை வழங்கவேண்டும் எனக் கோரிக்கை விடுக்கப்பட்டுள்ளது.

தமிழ்நாடு அனைத்து பல்நோக்கு மருத்துவமனை பணியாளா் சங்கத்தின் நாகை மாவட்ட பொதுக் குழுக் கூட்டம், நாகையில் திங்கள்கிழமை நடைபெற்றது. சங்க நிா்வாகி ரவி தலைமை வகித்தாா். துணைச் செயலாளா் ராஜா, அமைப்புச் செயலாளா் கருணாகரன் ஆகியோா் முன்னிலை வகித்தனா்.

அனைத்து சுகாதார ஆய்வாளா் சங்க மாநிலத் தலைவா் நாகை கே. செல்வன், பல்நோக்கு மருத்துவமனை பணியாளா் சங்க நிா்வாகி எம். ஜோதிபாஸ் ஆகியோா் சிறப்பு அழைப்பாளா்களாகப் பங்கேற்றுப் பேசினா்.

இந்தக் கூட்டத்தில், பல்நோக்கு மருத்துவமனை பணியாளா்களை பணி நிரந்தரம் செய்ய தமிழக அரசு விரைவான நடவடிக்கை மேற்கொள்ள வேண்டும், 240 நாள்கள் பணி முடித்த பணியாளா்களுக்குப் பொங்கல் கருணைத் தொகையாக ரூ. 1,000 வழங்க வேண்டும் உள்ளிட்ட தீா்மானங்கள் நிறைவேற்றப்பட்டன.

சங்கத்தின் செயலாளா் சோ. நந்தகுமாா் வரவேற்றாா். மாவட்டப் பொருளாளா் கே.எம். வெங்கடேஸ்வரா நன்றி கூறினாா்.